World News
கொரோனாவால் 300 வைத்தியர்கள் பலி
Fri, 29 May 2020 12:26:45 +0530
கொரோனா தொற்று காரணமாக ரஷ்யாவில் இதுவரை 300 வைத்தியர்கள் உயிரிழந்துள்ளனர் என்று தெரிவிக்கப்பட்டுள்ளது. கொரோனா தொற்றில் ரஷ்யா உலகில் மூன்றாவது இடத்தில் உள்ளது.3அங்கு  லட்சத்து 70 ஆயிரம் பேர் தொற்றுக்கு உள்ளாகியுள்ளதோடு 3968 பேர் உயிரிழந்துள்ளனர். அவர்களுள் 101 வைத்தியர்கள் அடங்குகின்றனர் என்று ரஷ்ய அரசு அறிவித்துள்ளது.ஆனால்,அந்தத் தகவல் பொய் என்றும் 300 வைத்தியர்கள் உயிரிழந்துள்ளனர் என்றும் உயிரிழந்த வைத்தியர்களின் நண்பர்கள் தெரிவித்துள்ளனர். அவர்கள் அந்த 300 வைத்தியர்களின் பெயர்களையும் சமூக ஊடகங்களில் வெளியிட்டுள்ளனர்.
Local News
காதலியை 10 பேருக்கு விருந்தாக்கிய காதலன் 
Thu, 21 May 2020 14:49:37 +0530
தனது 15 வயதுக் காதலியை நண்பர்கள் 10 பேருக்கு விருந்தாக்கிய சம்பவம் ஒன்று செவனகல மயூரகம பகுதியில் இடம்பெற்றுள்ளது. இந்த மாணவியின் காதலன் இவரை எம்பிலிடியவில் உள்ள விடுதி ஒன்றுக்குப் பல தடவைகள் அழைத்துச் சென்று துஷ்பிரயோகத்துக்கு உட்படுத்தியுள்ளார். அதன் பின் அவரது நண்பர்கள் பலருக்கு காதலியை அறிமுகம் செய்து வைத்துள்ளார்.இதன் பின் அவரது நண்பர்கள் ஐவர் இந்த மாணவியை ஏமாற்றி செவனகளவில் உள்ள பாழடைந்த வீடு ஒன்றுக்கு அழைத்துச் சென்று துஷ்பிரயோகத்துக்கு உட்படுத்தியுள்ளனர். இதன் பின் நேற்று முன்தினம் 19 ஆம் திகதி மேலும் மூன்று இளைஞர்கள் இவரை ஓட்டோ ஒன்றில் அழைத்துச் சென்று துஷ்பிரயோகத்திற்கு உட்படுத்தியுள்ளனர். இந்த மாணவி மேற்படி இளைஞர்களுடன் செல்வதைக் கண்ட உறவினர் ஒருவர் மாணவியின் தாயாரிடம் விடயத்தைக் கூறியுள்ளார்.தாயார் அந்த மாணவியிடம் வினவியபோது மாணவி நடந்ததை விபரித்துள்ளார். இதனைத் தொடர்ந்து தாய் மகளையும் அழைத்துக்கொண்டு செவனகள பொலிஸ் நிலையத்தில் முறைப்பாடு ஒன்றைச் செய்தார். அதனைத் தொடர்ந்து 6 பேர் கைது செய்யப்பட்டுள்ளனர்.மாணவியின் காதலன் உள்ளிட்ட 4 வரைத் தேடி பொலிஸார் வலை விரித்துள்ளனர்.
World News
திருமணத்துக்காகச் சேர்த்து வைத்த பணத்தில் ஏழைகளுக்கு உணவு வழங்கிய ஓட்டோ ஓட்டுநர்
Thu, 21 May 2020 05:19:09 +0530
இந்தியாவின் புனேவில் திருமணச் செலவுக்காக சேர்த்து வைத்த ரூ.2 லட்சத்தை ஏழை எளியோர் மற்றும் புலம் பெயர் தொழிலாளர்களுக்கு உணவு வழங்குவதற்காக செலவிட்டுள்ளார் ஓட்டோ ஓட்டுநர் ஒருவர். புனேவை சேர்ந்த அக்‌ஷய் கொத்வாலே என்பவர் ஓட்டோ ஓட்டி அதன் மூலம் வருமானம் ஈட்டி வருகிறார். இவரது திருமணம் வரும் 25 ஆம் திகதி நடைபெறவி ரந்த நிலையில், Lockdown காரணமாக அதனைத் தள்ளி வைத்துள்ளார்.  இந்நிலையில்,தனது திருமணச் செலவுக்காக ஓட்டோ ஓட்டி சேர்த்து வைத்திருந்த இரண்டு லட்சம் ரூபாவை ஏழைகளின் பசிப்பிணி தீர்க்க செலவழித்துள்ளார் இந்த பெரிய மனசுக்காரர். லாக்டவுனால் தெருவோரம் வசிப்பவர்களும், புலம் பெயர் தொழிலாளர்களும் உணவுக்கு மிகுந்த சிரமப்படுவதைப் பார்த்த இவர், தினமும் 400 பேருக்கு சப்பாத்தியும், சாதமும் வழங்கியுள்ளார்.  நண்பர்கள் உதவியுடன் தினமும் தயார் செய்து அதனை எடுத்துச்சென்று விநியோகம் செய்திருக்கிறார். சாமனியரான ஓட்டோ ஓட்டுநரின் உள்ளத்தில் உயர்ந்த எண்ணம் இருப்பதை அறிந்த புனே மாநகராட்சி அதிகாரிகள் அக்‌ஷய் கொத்வாலேவை அழைத்து பாராட்டி சிறப்பித்துள்ளனர். தனது வருங்கால மனைவியின் ஒப்புதலுடன் திருமணத்துக்கு சேர்த்து வைத்த தொகையை ஏழைகளுக்கு உதவ பயன்படுத்தியதாக தெரிவித்துள்ளார் இவர்.  மேலும், உணவு வழங்குவதோடு மட்டுமல்லாமல் கொரோனா குறித்து விழிப்புணர்வு ஏற்படுத்தும் வகையில் தனது ஓட்டோவில் ஒலிப்பெருக்கியைக் கட்டிக்கொண்டு பரப்புரையிலும் ஈடுபடுகிறார். இதேபோல் லாக்டவுன் காலத்தில் பெரும்பாலானோர் வருமானம் இல்லாமல் இருப்பதால்,கர்ப்பிணிகள், முதியோர்கள்,குழந்தைகளை மருத்துவமனைக்கு அழைத்துச் செல்ல தனது ஓட்டோவில் கட்டணம் ஏதும் இவர் வாங்குவதில்லை.  லாக்டவுன் முடியும் வரை தன்னால் இயன்ற உதவிகளை சமூகத்திற்கு செய்வேன் என உறுதிப்படக் கூறுகிறார் உள்ளத்தால் உயர்ந்த இந்த மனிதர்.
Sports
புதிய கிரிக்கட் மைதானம்:மஹேல கடும் எதிர்ப்பு 
Tue, 19 May 2020 08:18:39 +0530
ஹோமாகமவில் 748 கோடி ரூபா செலவில் பிரமாண்டமான சர்வதேச கிரிக்கட் மைதானம் ஒன்றை நிர்மாணிக்கும் அரசின் திட்டத்துக்கு இலங்கை கிரிக்கட் அணியின் முன்னாள் தலைவர் மஹேல ஜயவர்தன எதிர்ப்பைத் தெரிவித்துள்ளார். இருக்கின்ற மைதானங்கள் போதும் என்றும் அவற்றை அபிவிருத்தி செய்வதே சிறந்தது என்றும் அவர் கூறியுள்ளார். இருக்கும் மைதானங்களிலேயே நாம் சரியாக ஆடுவதில்லை.இந்த லட்சணத்தில் இன்னொன்று தேவைதானா என்று அவர் கேள்வி எழுப்பியுள்ளார். ஆனால்,இந்த மைதானம் சர்வதேச கிரிக்கட் சபையாலேயே நிர்மாணிக்கப்படுகிறது என்றும் அரசு இதற்காக ஒரு சதமேனும் செலவளிக்காது என்றும் இலங்கை கிரிக்கட் சபை தெரிவித்துள்ளது.
Local News
பொலிஸ் பதவியைத் துறந்து வீடு செல்வேன் 
Tue, 19 May 2020 07:03:36 +0530
தனது மகள் தொடர்பில் இணையத்தளங்கள் சிலவற்றிலும் சமூக ஊடகங்களிலும் பரவி வரும் செய்தியை உண்மை என்று நிரூபித்தால் தான் பொலிஸ் பதவியைத் துறந்து வீடு செல்வேன் என்று பிரதி பொலிஸ்மா அதிபர் அஜித் ரோஹண தெரிவித்துள்ளார். வெளிநாட்டில் கல்வி கற்று வரும் அவரது மகள் இலங்கை வந்தார் என்றும் அவரை தனிமைப்படுத்தல் நிலையத்துக்கு அனுப்பாது அஜித் ரோஹன விமான நிலையத்தில் இருந்து நைசாக வீட்டுக்கு அழைத்துச் சென்றார் என்றும் செய்திகள் பரவின. இந்தச் செய்தியை மறுத்தே அவர் மேற்படி கருத்தைத் தெரிவித்துள்ளார். அதேவேளை,தான் நாட்டுக்கு வராது தொடர்ந்தும் வெளிநாட்டிலேயே இருக்கிறேன் என்று தெரிவித்து அவரது மகள் வீடியோ ஒன்றை வெளியிட்டிருக்கின்றமையும் குறிப்பிடத்தக்கது.
Local News
கண்டுபிடிக்கப்பட்டார் மைத்திரி!
Tue, 19 May 2020 06:50:08 +0530
சில வாரங்களாகக் காணாமல் போயிருந்த முன்னாள் ஜனாதிபதி மைத்திரிபால சிறிசேன கண்டுபிடிக்கப்பட்டுள்ளார்.'தமிழன்' பத்திரிகையின் ஊடாக அவர் வெளியே தலை போட்டுள்ளார். உயிர்த்த ஞாயிறு தாக்குதல் இடம்பெற்று ஒரு வருட நிறைவில் அவர் அது தொடர்பில் ஏதாவது கருத்துத் தெரிவிப்பார் அல்லது அனுதாப அறிக்கை வெளியிடுவார் என்று எல்லோராலும் எதிர்பார்க்கப்பட்டது.அது நடக்கவில்லை. அதனைத் தொடர்ந்து அவரைத் தொடர்புகொள்வதற்குப் பலர் முயற்சி செய்தனர்.அதுவும் வெற்றியளிக்கவில்லை.தலைமறைவு போலவே இருந்தார்.இப்போது நீண்ட நாட்களுக்கு பின் தலை நீட்டியுள்ளார்.
Local News
அஜித் ரோஹனவின் மகள்பற்றி பரவும் செய்தி!
Tue, 19 May 2020 06:23:15 +0530
பிரதி பொலிஸ்மா அதிபர் அஜித் ரோஹனவின் மகள் தொடர்பில் பரவி வரும் செய்தியை அவரது மகள்  மறுத்துள்ளார். வெளிநாடு ஒன்றில் கல்வி பயின்று வரும் அவர் இலங்கைக்கு அழைத்து வரப்பட்டு தனிமைப்படுத்தல் நிலையத்துக்கு அனுப்பி வைக்கப்படாமல் அவரது வீட்டுக்கு அனுப்பி வைக்கப்பட்டுள்ளார் என்று சமூக வைத்தலங்களில் செய்தி பரவி வருகிறது. அஜித் ரோஹனவின் மகள் அதை மறுத்துள்ளார்.தான் இலங்கை வரவில்லை என்றும் இன்னும் வெளிநாட்டிலேயே தங்கியுள்ளேன் என்றும் அவர் வீடியோ ஒன்றை வெளியிட்டுக் கூறியுள்ளார். ஜூன் மாதமே தனது கல்வி நடவடிக்கைகள் நிறைவுபெறும் என்று கூறியுள்ள அவர் அதன்பின்பே நாட்டுக்கு வருவேன் என்று அதில் மேலும் தெரிவித்துள்ளார்.  
Local News
ஊரடங்கு அனுமதி பத்திரத்தை விற்க முயன்ற பொலிஸ் கான்ஸ்டபிள் கைது
Thu, 14 May 2020 11:39:11 +0530
ஊரடங்கு அனுமதிப் பத்திரத்தை 5 ஆயிரம் ரூபாவுக்கு விற்பனை செய்வதற்கு முயற்சி செய்த பமுனுகம பொலிஸ் நிலைய பொலிஸ் கான்ஸ்டபிள் ஒருவர் கைது செய்யப்பட்டுள்ளார். இந்த கான்ஸ்டபிளிடம் ஊரடங்கு அனுமதி பத்திர புத்தகம் ஒன்று இருந்ததாக சிரேஷ்ட பொலிஸ் அதிகாரி ஒருவர் தெரிவித்துள்ளார். இந்தப் புத்தகம் பமுனுகம பொலிஸ் நிலையத்துக்கு வழங்கப்பட்டது அல்ல என்றும் அவர் தெரிவித்துள்ளார்.இது எந்தப் பொலிஸ் நிலையத்துக்குச் சொந்தமான புத்தகம் என அறிவதற்காக பொலிஸ் விசாரணை ஆரம்பிக்கப்பட்டுள்ளது. இந்தப் புத்தகம் தொடர்பில் நாட்டில் உள்ள எல்லா பொலிஸ் நிலையங்களுக்கும் தகவல் கொடுக்கப்பட்டுள்ளது. ஊரடங்கு அனுமதி பத்திரத்தைப் பெறுவதற்காக பமுனுகம பொலிஸ் நிலையத்துக்கு வந்திருந்த ஒருவர்மீது பொலிஸ் நிலைய பொறுப்பதிகாரிக்கு ஏற்பட்ட சந்தேகம் காரணமாக மேற்கொள்ளப்பட்ட விசாரணையை அடுத்தே இந்த பொலிஸ் கான்ஸ்டபில் சிக்கினார்.  கைது செய்யப்பட இந்த பொலிஸ் கான்ஸ்டபிள் இதற்கு முன்பும் இவ்வாறான வேலையைச் செய்திருப்பார் என்று பொலிஸார் சந்தேகிக்கின்றனர். இது தொடர்பிலான மேலதிக விசாரணைகளை பொலிஸார் ஆரம்பித்துள்ளனர்.  
Local News
தனிமைப்படுத்தல் சட்டத்தை மீறினால் 2 வருட சிறை!
Sat, 09 May 2020 05:15:39 +0530
தனிமைப்படுத்தல் சட்டத்தை மீறுவோருக்கு எதிராக அரசு கடும் நடவடிக்கை எடுக்கவுள்ளது.அவ்வாறானவர்களுக்கு குறைந்தது 2 வருட சிறைத் தண்டனை வழங்க முடியும் என்று பிரதி பொலிஸ்மா அதிபர் அஜித் ரோஹன தெரிவித்துள்ளார். தனிமைப்படுத்தல் சட்டம் உள்ளிட்ட புதிய வர்த்தமானி அறிவித்தல் ஒன்றை சுகாதார அமைச்சர் பவித்ரா வன்னியாராய்ச்சி நாளை 10 ஆம் திகதி வெளியிடவுள்ளனர். 11 ஆம் திகதி மேல் மாகாணம் மற்றும் புத்தளம் ஆகிய இடங்களில் ஊரடங்கு இருக்கின்ற நிலையில் அரச மற்றும் தனியார் நிறுவனங்களை திறப்பதற்கு அரசு தீர்மானித்துள்ளது.இதனையொட்டியே இந்த வர்த்தமானி வெளியிடப்படவுள்ளது. அனைவரும் தனிமைப்படுத்தல் மற்றும் சுகாதார நடைமுறையைப் பின்பற்றி செயற்பட வேண்டும் என்றும் இல்லையென்றால் 2 வருட சிறைத்தண்டனையை அனுபவிக்க நேரிடும் என்றும் அஜித் ரோஹன தெரிவித்தார்.
World News
நோன்பு நோற்கும் இந்துப் பெண் 
Mon, 04 May 2020 06:29:18 +0530
இந்தியாவைச் சேர்ந்த பிராமண இந்துப் பெண் ஒருவர் ஒவ்வொரு ரமழான் மாதமும் நோன்பு நோற்று வருகிறார். ஜெயசிறி சுக்லா என்ற 52 வயது வரலாற்றுப் பட்டதாரியான இவர் அன்பையும் சமாதானத்தையும் பரப்புவதற்காகத் தான்  தெரிவு செய்த வழி இதுவென்று கூறியுள்ளார். இஸ்லாமிய பண்புகளால் கவரப்பட்ட அவர் 2019 இல் இருந்து நோன்பு நோற்கத் தொடங்கியுள்ளார்.அப்போது தேர்தல் முடிவுகள் வெளியானபோது நோன்பு 17 ஆகி இருந்தது. அன்று முஸ்லிம்களுக்கு எதிராக அதிகமான வெறுப்புணர்வு பிரசாரங்கள் பரப்பட்டன.அன்றிலிருந்து முஸ்லிம்களை பாதுகாக்க வேண்டும் என்று முடிவெடுத்த இவர் 17 ஆவது நோன்பில் இருந்து நோன்பு நோற்கத் தொடங்கியுள்ளார். தான் வாழும் கூட்டுக் குடும்பத்தில் இதற்கு எதிர்ப்பு இருந்தபோது அவரது வாகன சாரதியான முஹம்மட் என்பவரின் உதவியோடு நோன்பு நோற்று வருகிறார்.
Local News
70 லட்சம் பெண்கள் கர்ப்பம்: கொரோனா பார்த்த வேலை
Thu, 30 Apr 2020 14:43:24 +0530
கொரோனா அச்சம் காரணமாக உலக மக்கள் வீடுகளுக்குள் முடங்கியதன் விளைவாக உலகம் பூராகவும் 70 லட்சம் பெண்கள் கர்ப்பம் கர்ப்பம் அடையும் நிலை ஏற்பட்டுள்ளது என்று ஐநா மக்கள் நிதியம் மற்றும் கூட்டமைப்பு  தெரிவித்துள்ளது.  ஊரடங்கு காரணமாக கருத்தடை சாதனங்கள் மற்றும் மருந்துகள் தடைப்பட்டுள்ளதால் ஏற்பட்டுள்ளது. உலகம் முழுவதும் 4.7 கோடி பெண்கள் நவீன கருத்தடை சாதனங்களை உபயோகப்படுத்த முடியாத நிலை ஏற்பட்டுள்ளது என்றும் அதனால் வரும் மாதங்களில் தேவையில்லாமல் பல லட்சம் பெண்கள் கர்ப்பம் தரிக்கும் சூழல்நிலவுவதாக தெரிவிக்கப்பட்டுள்ளது.  இதன் மூலம் பெண்கள் சிரமத்திற்கு உள்ளாக நேரிடும் எனவும் ஐநா மக்கள் நிதியம் மற்றும் கூட்டமைப்பு  தெரிவித்துள்ளது. 
Crime Story
ஒரு பெண்ணுக்காக 9 பேர் கொலை: ஒரே குடும்பத்தைச் சேர்ந்த 7 முஸ்லிம்கள்
Wed, 27 May 2020 06:01:37 +0530
ஒரு பெண்ணுக்காக 9 பேர் கொல்லப்பட்ட சம்பவம் ஒன்று இந்தியாவின் தெலுங்கானா மாநிலத்தில் இடம்பெற்றுள்ளது.அவர்களுள் 7 பேர் ஒரே குடும்பத்தைச் சேர்ந்தவர்கள்.இருவர் அந்தக் குடும்பத்துடன் நெருக்கமானவர்கள். தெலங்கானா மாநிலம் வாரங்கல் மாவட்டத்தில் உள்ள கோரே குந்தா என்ற கிராமத்தில் கோணிப்பை தயாரிக்கும் தொழில்சாலை ஒன்று உள்ளது.இதன் ஓனர் சந்தோஷ் என்பவர்.இந்தத் தொழிற்சாலையில் மேற்குவங்கம், பீகாரைச் சேர்ந்த தொழிலாளர்கள் ஏராளமானோர் வேலை பார்த்துவந்தனர். அவர்களில் ஒருவர்தான் மசூத்.மேற்குவங்கத்தை சேர்ந்தவர்.கரிமாபாத்தில் ஒரு வீட்டை வாடகைக்கு எடுத்து குடும்பத்துடன் தங்கி வந்தார். இந்த சமயத்தில் லொக்டவுன் போடப்பட்டதால் தொழில்சாலை மூடப்பட்டது.அதனால் குடியிருந்த வீட்டுக்கு வாடகை தர முடியாமல் போய்விட்டது.அதனால் உரிமையாளர் சந்தோஷ் அந்தக் குடும்பத்தை தன்னுடைய குடோனிலேயே தங்க வைத்துக் கொண்டார். இந்தச் சமயத்தில்தான் அந்த குடும்பத்தையே திடீரென காணவில்லை என்று பொலிஸில் முறைப்பாடு செய்தார் சந்தோஷ். பொலிஸாரும் விசாரணையை ஆரம்பித்தனர்.அப்போதுதான், தொழில்சாலைக்குப் பக்கத்திலேயே ஒரு கிணற்றில் சடலங்கள் மிதப்பதாகத் தகவல் வந்தது.தண்ணீரில் மிதந்தபடி 4 சடலங்களை கிடந்தன.மசூத், அவரது மனைவி நிஷா,கணவரைப் பிரிந்து வாழ்ந்த அவரது மகள் புஸ்ரா,அவரது 3 வயது மகன் ஆகியோரின் சடலங்கள்தான் அவை. ஆனால் சடலங்களை மீட்ட மறுநாளே அதாவது கடந்த வெள்ளிக்கிழமை அதே கிணற்றில் மேலும் 5 சடலங்கள் மிதப்பதாகத் தகவல் வரவும் மீண்டும் சென்று மீட்பு பணியைத் தொடங்கினர். அப்போது மசூத் மகன் சபாக், பீகாரை சேர்ந்த தொழிலாளிகள் ஸ்ரீராம், ஷாம், திரிபுராவை சேர்ந்த ஷகீல் அகமது ஆகியோரின் உடல்களை கைப்பற்றினர். இப்படி ஒரே கிணற்றில் அடுத்தடுத்து 9 சடலங்கள் மிதந்தது மிகப்பெரிய அதிர்ச்சியை தந்து.இவர்கள் எதனால் இறந்தார்கள்? வறுமையால் தற்கொலை செய்து கொண்டனரா? அல்லது கொலையா என்ற பரபப்பு விசாரணையும் ஆரம்பமானது.  ஆனால் சடலங்களை மீட்ட உடனேயே அது தற்கொலை இல்லை என்ற முடிவுக்கு வந்துவிட்டனர் பொலிஸார்.. காரணம் அந்த பாழுங்கிணற்றில் மூழ்கி சாகும் அளவுக்கு தண்ணீர் இல்லை என்பதால். அதனால் கொலையாக இருக்குமோ என்ற கோணத்தில் விசாரணை ஆரம்பமானது.இவர்கள் சடலமாக மிதந்த முதல்நாள்தான், மசூத்தின் மகனுக்கு பிறந்த நாள் கொண்டாடப்பட்டது தெரியவந்தது.இந்த பிறந்த நாள் நிகழ்ச்சிக்கு சஞ்சய் குமார் ஷா என்ற பீகாரை சேர்ந்தவரும் வந்திருக்கிறார்..ஆனால் சடலங்கள் மிதந்த அன்று அவரை அந்த ஊரில் காணோம். எனவே அவரை பிடிக்க தனிப்படை அமைக்கப்பட்டது.இறுதியில் அவரை கைதும் செய்தனர்.அப்போதுதான் சஞ்சய் குமார் ஷா உட்பட 4 பேர் சேர்ந்து இந்த 9 பேரையும் கொன்றது தெரியவந்தது.காரணம் மசூத் மகள் புஸ்ராதான்..  கணவனை பிரிந்து வாழும் இந்தப் பெண்ணுக்கு வயது 22 ஆகிறது.புஸ்ராவுக்கும் சஞ்சய்க்கும் ஏற்கனவே தொடர்பு இருந்துள்ளது.ஆனால் மசூத் மகளை கண்டிக்கவும், சஞ்சய்யுடனான தொடர்பை புஸ்ரா கைவிட்டுவிட்டார். இந்தக் கோபத்தினால்தான் மசூத் குடும்பத்தையே மொத்தமாக காலி செய்ய சஞ்சய் துடித்தார்.அதற்காக நண்பர்கள் 4 பேரை தயார் செய்தார்.பக்காவாக பிளான் செய்தார். அந்த சமயத்தில்தான் புஸ்ரா மகனுக்கு பர்த்டே வந்தது.பிறந்த நாள் நிகழ்ச்சியில்,குழந்தைக்கு வாழ்த்து சொல்ல வந்தவர்கள், சர்க்கரை பொங்கல் சமைத்து சாப்பிட்டுள்ளனர்.அங்கிருந்த குளிர்பானத்தில் விஷத்தை கலந்து 9 பேருக்கும் கொடுத்தனர். மொத்தக் குடும்பமே அதைக் குடித்துவிட்டு மயங்கி விழுந்துள்ளது.இதன்பிறகுதான் அவர்களை தூக்கி கொண்டு போய் பக்கத்தில் உள்ள பாழுங்கிணற்றில் ராத்திரியோடு ராத்திரியாக தூக்கி போட்டு வந்துள்ளனர். இப்போது 4 பேருமே தற்போது கைதாகி உள்ளனர்.பீகாரை சேர்நத் ராம் குமார்,ஷியாம் குமார் ஆகியோர் மசூத்துடன் நெருக்கமாக இருப்பது சஞ்சய்க்கு பிடிக்காததால்,அவர்களையும் சேர்த்து கொன்றுள்ளார் என்பது விசாரணையில் தெரியவந்துள்ளது. ஏற்கனவே எத்தனையோ இன்னல்களில் பசியும், பட்டினியுமாக புலம்பெயர் தொழிலாளர்கள் தவித்து வரும் நிலையில், இப்படி ஒரே குடும்பத்தில் அப்பாவி குடும்பம் கொலை செய்யப்பட்டது மிகுந்த அதிர்ச்சியை ஏற்படுத்தி வருகிறது.
Popular News

© 2020 Lanka Watch. All rights reserved | Solution by Titum.LK | About Us | Contact Us