Local News
பேலியகொட மீன் சந்தைக்குச் சென்ற வைத்தியருக்கு கொரோனா 
Sat, 24 Oct 2020 10:04:02 +0530
கடந்த சனிக்கிழமை பேலியகொட மீன் சந்திக்குச் சென்று திரும்பிய வைத்தியர் ஒருவருக்கு கொரோனா தொற்று ஏற்பட்டிருப்பது உறுதியாகியுள்ளது. இவர் பணிபுரிவது ரிக்கில்லகஸ்கட வைத்தியசாலையில்.சனிக்கிழமை இவர் அந்த சந்தைக்குச் சென்றுள்ளார்.திங்கள் கிழமை வேலைக்குத் திரும்பியுள்ளார்.இதனால் அவர் நேற்று 23 ஆம் திகதி PCR பரிசோதனைக்கு உட்படுத்தப்பட்டபோது அவருக்கு கொரோனா தொற்று ஏற்பட்டிருப்பது தெரியவந்தது. இதனால் அந்த வைத்தியசாலையின் சில பிரிவுகள் மூடப்பட்டுள்ளன என்று அந்த வைத்தியசாலையின் பிரதானி நிசங்க விஜயவர்தன தெரிவித்துள்ளார்.
Local News
எம்பிக்கள் எதிர்ப்பு:முஸர்ரப் வெளியேற்றம்:சஜித் நடவடிக்கை 
Sat, 24 Oct 2020 08:54:47 +0530
ஐக்கிய மக்கள் சக்தியின் குழுக்கூட்டத்தில் நேற்று கலந்துகொண்ட அகில இலங்கை மக்கள் காங்கிரஸின் எம்பி எஸ்.எம்.எம்.முஸர்ரப் கூட்டத்தில் இருந்து வெளியேற்றப்பட்டார் என்று தெரியவருகிறது. முஸர்ரப் 20 ஆவது திருத்தலில் உள்ள இரட்டை உரிமையுள்ளவர்கள் நாடாளுமன்றத்துக்கு நுழையும் சட்டமூலத்துக்கு ஆதரவாக வாக்களித்திருந்தார்.   எஸ்.எம்.மரைக்கார் இதற்கு எதிர்ப்புத் தெரிவித்திருந்தார்.ஐக்கிய மக்கள் சக்தியின் குழுக்கூட்டத்தில் அவர் கலந்துகொள்வதற்கு அனுமதிக்கக்கூடாது என்று கூறி இருந்தார்  இதை ஏற்றுக்கொண்ட ஏனைய எம்பிக்கள் முஸர்ரப் கலந்துகொள்வதற்கு எதிர்ப்புத் தெரிவித்தனர்.இதனால் சஜித் பிரேமதாஸா வெறி வழியின்றி அவரைக் கூட்டத்தில் இருந்து வெளியேற்றினார் என்று சஜித் தரப்பு தெரிவிக்கின்றது.
Local News
அடிப்படைவாதத்துக்கு எதிராகவே முஸ்லிம் எம்பிக்கள் 20 ஐ ஆதரித்தனர்
Sat, 24 Oct 2020 06:38:20 +0530
நாட்டில் அடிப்படைவாதத்தை இல்லாதொழிப்பதற்காகவே முஸ்லிம் எம்பிக்கள் 20 இற்கு ஆதரவாக வாக்களித்துள்ளனர் என்று அமைச்சர் வாசுதேவ நாணயக்கார தெரிவித்துள்ளார். அடிப்படைவாதம் முஸ்லிம் அரசியல்வாதிகளுக்கு பெரும் தலையிடியாகும்.இதனால் அதை ஒழித்துக்கட்ட வேண்டிய தேவை இவர்களுக்கு உண்டு என்று அவர் மேலும் கூறினார். அடிப்படைவாதத்தை ஒழிக்க இந்த அரசால் மாத்திரமே முடியும் என்பதை முஸ்லிம் எம்பிக்கள் புரிந்துவைத்துள்ளார்கள் என்றும் அவர்களின் இந்த நிலைப்பாடு காரணமாக நாம் மகிழ்ச்சியடைகிறோம் என்றும் அமைச்சர் மேலும் கூறினார். 20 இற்கு ஆதரவாக முஸ்லிம் எம்பிக்கள்  வாக்களித்தமை தொடர்பில் அவர் கருத்துத் தெரிவித்தபோதே இவ்வாறு கூறினார்.
Local News
சஹ்ரானின் மனைவி சாட்சியம்: ஊடகங்களுக்கு கதவடைப்பு
Sat, 24 Oct 2020 06:25:28 +0530
சஹ்ரானின் மனைவி பாத்திமா ஹாதியா நேற்று உயிர்த்த ஞாயிறு தொடர்பாக விசாரணை நடத்தும் ஜனாதிபதி ஆணைக்குழு முன் சாட்சியம் வழங்கினார். ஆனால்,இவரது சாட்சியத்தை பதிவு செய்வதற்கு ஊடகங்களுக்கு அனுமதி வழங்கப்படவில்லை. அவர் நேற்று முன் தினம் சாட்சியமளிக்க வந்தபோது அவரால் சாட்சியமளிக்க முடியாமல் போனது.சட்டரீதியான பிரச்சினை இருப்பதாகக்கூறி அவருக்கு அனுமதி வழங்கப்படவில்லை. அதன் பின் இந்தப் பிரச்சினை தீர்க்கப்பட்டு அவர் நேற்று சாட்சியம் வழங்குவதற்கு அனுமதிக்கப்பட்டார்.காலை 11 மணியளவில் அவர் சாட்சியமளித்தார்.
Local News
பெண்மீது பாலியல் சேட்டை:பொலிஸ் உப பரிசோதகர் கைது 
Fri, 23 Oct 2020 08:06:41 +0530
பெண் ஒருவர்மீது பாலியல் சேட்டைபுரிந்தார் என்ற குற்றச்சாட்டில் கொழும்பு,மருதானை பொலிஸ் நிலையத்தில் கடமைபுரியும் பொலிஸ் உப பரிசோதகர் ஒருவர் பொலிஸாரால் கைது செய்யப்பட்டுள்ளார். எப்பாவல பகுதியைச் சேர்ந்த பெண் ஒருவருடன் இவர் தொடர்பைப் பேணி வந்துள்ளார்.அந்தப் பெண் அவருடனான தொடர்பைத் துண்டிக்க முயற்சித்துள்ளார்.அதை ஏற்க மறுத்த மேற்படி பொலிஸ் அதிகாரி அந்தப் பெண்ணின் வீட்டுக்குப் பல தடவைகள் சென்றுள்ளார். இது தொடர்பாக குறித்த பெண் எப்பாவல பொலிஸ் நிலையத்தில் முறைப்பாடு செய்ததைத் தொடர்ந்தே அந்த பொலிஸ் அதிகாரிக்கு எதிராக மேற்படி எடுக்கப்பட்டது.
Local News
பின்வாங்கினார் விமல் !!!
Thu, 22 Oct 2020 14:21:28 +0530
20 ஆவது திருத்தச் சட்டத்தின் ஊடாக இரட்டை பிரஜா உரிமை நீக்கப்படுவதற்கு எதிர்ப்புத் தெரிவித்து வந்த விமல் வீரவன்ஸ இப்போது பின்வாங்கியுள்ளார்.அந்த சரத்தை ஆதரிப்பது என்ற நிலைப்பாட்டுக்கு இப்போது வந்துள்ளார். இவரைப்போல் உதயகம்மன்பில மற்றும் வாசிதேவ நாணயக்கார ஆகியோரும் எதிர்ப்புத் தெரிவித்து வந்தனர்.இப்போது இவர்களும் பின்வாங்கியுள்ளனர்.  இவர்கள் மூவரும் ஜனாதிபதி மற்றும் பிரதமர் ஆகியோரைச் சந்தித்து பேசியதைத் தொடர்ந்தே இந்த முடிவை எடுத்துள்ளனர். புதிய அரசமைப்பில் இரட்டை பிரஜா உரிமை உள்ளவர்கள் எம்பியாகவோ ஜனாதிபதியாகவோ ஆக முடியாது என்ற சரத்து உள்ளடக்கப்படும் என்று ஜனாதிபதியும் பிரதமரும் இவர்களுக்கு வாக்குறுதி வழங்கியதைத் தொடர்ந்தே மேற்படி ஆதரவு நிலைப்பாட்டை எடுத்துள்ளதாக இவர்கள் மூவரும் கூறியுள்ளனர்.
Local News
றிசாத் தரப்பு 20 இற்கு ஆதரவாக வாக்களித்தாலும் அவர்களை அரசில் இணைக்க முடியாது! 
Thu, 22 Oct 2020 13:11:21 +0530
றிசாத் தரப்பு உள்ளிட்ட எதிர்க்கட்சியில் உள்ள முஸ்லிம் எம்பிக்கள் 20 ஆவது திருத்தச் சட்டத்துக்கு ஆதரவாக வாக்களித்தாலும்கூட அவர்களை அரசில் இணைப்பதற்கு நாம் இணங்கமாட்டோம் என்று விமல் வீரவன்ச தெரிவித்துள்ளார். எமக்கு மூன்றில் இரண்டு பெரும்பான்மை உண்டு.20 ஆவது திருத்தச் சட்டம் மிக இலகுவாக நிறைவேற்றப்படும்.எதிர்க்கட்சியில் உள்ளவர்கள் விரும்பினால் ஆதரித்து வாக்களிக்க முடியும்.எவரையும் கட்டாயப்படுத்தமாட்டோம் என்றும் அவர் கூறினார். இன்று கொழும்பில் அவர் நடத்திய ஊடகவியலாளர் சந்திப்பில் கலந்துகொண்டு உரையாற்றும்போதே இவ்வாறு கூறினார்.
Crime Story
Sat, 24 Oct 2020 14:21:04 +0530
Popular News

© 2020 Lanka Watch. All rights reserved | Solution by Titum.LK | About Us | Contact Us