Home / Sub Lead News
Sub Lead News
ஜேவிபியுடன் சு.க கூட்டணியா?
Thu, 23 Dec 2021 09:20:39 +0530
எத்ரிகாலத்தில் ஜேவிபியுடன் அரசியல் கூட்டணி அமைப்பதற்கு சுதந்திர கட்சியின் செயலாளரும் இராஜாங்க அமைச்சருமான தயாசிறி ஜயசேகர தெரிவித்துள்ளார். ஜேவிபி ஒரு தூய்மையான கட்சி என்றும் அக்கட்சியுடன் இணைந்து செயற்படுவதில் எந்தப் பிரச்சினையும் இல்லை என்றும் அவர் மேலும் கூறியுள்ளார். ஜேவிபியுடன் சுதந்திர கட்சி இணைவதென்பது புதிய விடயம் அல்ல என்று கூறிய தயாசிறி கடந்த காலங்களில் அப்படியான இணைவு இடம்பெற்றது என்றும் சொன்னார். அடுத்து வரும் தேர்தல்களில் ஏனைய கட்சிகளுடன் கூட்டணி அமைத்துச் செயற்படுவதற்கு சு.க முடிவெடுத்துள்ளது.அது ஜேவிபியுடனும் இணைவதற்கான நடவடிக்கையை எடுத்துள்ளதா என்ற கேள்வி எழுப்பப்படுகிறது. 
நிர்வாக விடயங்களில் இராணுவ அதிகாரிகள்:பொன்சேகா எதிர்ப்பு
Thu, 23 Dec 2021 06:09:50 +0530
அமைச்சின் செயலாளர்களாகவும் நிறுவனங்களின் பணிப்பாளர்களாகவும் ஓய்வுபெற்ற இராணுவ அதிகாரிகள் நியமிக்கப்பட்டுள்ளமைக்கு பீல்ட் மார்ஷல் சரத் பொன்சேகா எதிர்ப்பை வெளியிட்டுள்ளார். இது தொடர்பில் அவர் கருத்துக்கூறுகையில்.  இது இராணுவ ஆட்சி ஆட்சியல்ல.இருந்தாலும்,நிர்வாக விடயங்களுக்கு ஓய்வுபெற்ற இராணுவ அதிகாரிகளை நியமித்திருப்பது பிழை.அதை ஏற்க முடியாது. நான் அமைச்சராக இருந்தபோது எந்தவோர் இராணுவ அதிகாரியையும் நான் நியமிக்கவில்லை.எனது அமைச்சில் இருந்த செயலாளர்களுடன்டான் நான் வேலை செய்தேன்.அந்தத் துறையில் திறமையானவர்களும் அனுபவமுள்ளவர்களும் அவர்களே. இராணுவ அதிகாரிகள் வேறு விடயத்தில் திறமையானவர்கள்.ஆனால்,நிர்வாக விடயத்தில் வேறு திறமையானவர்கள் உள்ளனர். நான் அமைச்சராக இருந்தபோது எனது செயலாளர் வழங்கிய ஆலோசனைகளை நான் புறக்கணிக்கவில்லை.அவர்களிடம் இருந்து பெரும் ஒரு விடயத்தை இராணுவத்தின் மேஜர் ஜெனெரல் ஒருவரிடம் இருந்து பெற முடியாது.என்றார்.  
அரசில் இருந்து விலகுவேன் 
Sun, 19 Dec 2021 09:00:10 +0530
இலங்கை அரசு சர்வதேச நாணய நிதியத்திடம் கடன் வாங்குவதற்கு முடிவு செய்தால் உடனடியாக அரசில் இருந்து விலகுவேன் என்று அமைச்சர் வாசுதேவ நாணயக்கார தெரிவித்துள்ளார். அவர்களிடம் கடன் வாங்கினால் அது 7 தலைமுறையைப் பாதிக்கும் என்று அவர் கூறியுள்ளார். அந்நிதியத்துடன் கைச்சாத்திட்டால் அரச சொத்துக்கள் அனைத்தையும் சர்வதேச அல்லது உள்நாட்டு தனியார் நிறுவனங்களுக்கு விற்க வேண்டும் என்பதே அவர்களின் முதல் நிபந்தனையாகும். இரண்டாவதாக நாட்டின் நலன்புரி வேலைத்திட்டத்துக்காக ஒதுக்கப்படும் நிதியைக்  கொஞ்சம் கொஞ்சமாக குறைக்க வேண்டி வரும் என்று அவர் மேலு சொன்னார்.  
உயிர்த்த ஞாயிறுத் தாக்குதல் நடத்தியது இப்போதைய அரசுதான்: முதன் முதலாக நேரடியாக குற்றஞ்சாட்டினார் நலின் பண்டார
Wed, 15 Dec 2021 20:55:09 +0530
உயிர்த்த ஞாயிறுத் தாக்குதலை நடத்தியது இப்போதைய ஆட்சியாளர்கள்தான் என்று ஐக்கிய மக்கள் சக்தி எம்பி நலின் பண்டார தெரிவித்தார். சிங்கள தொலைக்காட்சி ஒன்றின் அரசியல் விவாத நிகழ்ச்சி ஒன்றில் கலந்துகொண்டு உரையாற்றும்போதே இவ்வாறு கூறினார்.அவர் மேலும் கூறுகையில்; 52 நாள் ஆட்சி நீதிமன்ற உத்தரவின்படி தோல்வியடைந்ததன்பின் மைத்திரி எம்மிடம் பொலிஸ் அமைச்சைத் தரவில்லை. மஹிந்த-மைத்திரி இடையே டீல் இருந்தது.அந்த அமைச்சைக் கொடுக்காமல் வைத்துக்கொள்ளுமாறு மைத்திரியிடம் மஹிந்த கூறி இருந்தார். அந்த அமைச்சை வைத்துக்கொண்டுதான் சஹ்ரானுடன் சேர்ந்து உயிர்த்த ஞாயிறுத் தாக்குதலை நடத்தியது இப்போதைய அரசு. எமது ஆட்சியைக் கைப்பற்றும் முதலாவது சதித் திட்டம்தான் 52 நாள் ஆட்சி.அது தோல்வியடைந்ததும் இரண்டாவது திட்டம்தான் உயிர்த்த ஞாயிறுத் தாக்குதல். அவர்களுக்கு பணம் கொடுத்தது என்று கெஹலியவே ஒத்துக்கொண்டார். நான் வெளியில் இருந்து இதைச் சொல்கிறேன்.முடிந்தால் எனக்கு எதிராக உங்களால் வழக்குத் தாக்கல் செய்ய முடியும்.சிஐடிக்கு வேண்டுமானாலும் அழைத்துச் செல்லுங்கள்.என்றார்.                
சஜித்-ரணில்-மைத்திரி இணைவார்களா? சரத் பொன்சேகாவின் பதில் இதோ!
Tue, 14 Dec 2021 07:51:33 +0530
பரந்துபட்ட கூட்டணியை உருவாக்கி-ஊழல்.மோசடியற்ற அரசியல்வாதிகளை சேர்த்துக்கொண்டு சஜித் பிரேமதாசா தலைமையில் புதிய அரசு ஒன்று உருவாக்கப்படும் என்று சரத் பொன்சேகா தெரிவித்துள்ளார். எச்சந்தர்ப்பத்திலும் ரணில் மற்றும் மைத்திரியோடு கூட்டுச் சேரவேமாட்டோம் என்று அவர் மேலும் கூறியுள்ளார். தற்கால அரசியல் நிலவரம் தொடர்பில் கருத்துக் கூறும்போதே இவ்வாறு சொன்னார்.அவர் மேலும் கூறுகையில்;  ஐக்கிய தேசிய கட்சியின் முக்கியஸ்தர்கள் பலர் எமது கட்சியில் இணைவதற்குத் தயார்.ஆனால்,அவர்களை நாங்கள் ஏற்கமாட்டோம்.அவர்களின் கடந்தகால செயற்பாடுகள் அப்படி. புதிய ஆட்களை இணைத்துக்கொண்டு போகவே திட்டமிட்டுள்ளோம்.அடுத்த ஆட்சி எம் கையில்.எமது தலைவர் சஜித் பிரேமதாசா திருடன் அல்ல. ரணிலும் சஜித்தும் சேர்வதற்கு வாய்ப்பே இல்லை.சுதந்திரக் கட்சியில் ஊழல்,மோசடியற்ற அரசியல்வாதிகள் சேர்வதற்கு வாய்ப்புண்டு.மைத்திரிபால போன்றவர்களுடனும் இணையமாட்டோம்.என்றார்.
முஸ்லிம் எதிர்ப்பின் ஊடாக தோன்றிய ஆட்சி:இப்போது அனுபவிக்கிறார்கள் 
Sat, 11 Dec 2021 08:22:24 +0530
முஸ்லிம்கள் மலட்டுத்தன்மையை ஏற்படுத்தும் மாத்திரையை விநியோகிக்கிறார்கள்.டாக்டர் ஷாபி சிங்கள பெண்களுக்கு கர்ப்பத்தடை சத்திர சிகிச்சை செய்தார் என்று கூறியே இந்த அரசு ஆட்சிக்கு வந்தது.இப்போது நன்றாக அனுபவிக்கிறது இந்த அரசு. இப்போது எங்கே அந்த விவகாரம்.? இப்போது அந்த பெண்களுக்கு குழந்தை பிறந்துவிட்டதா என்று கேள்வி எழுப்பினார் ஐக்கிய மக்கள் சக்தி எம்பி ஹர்சன ராஜகருணா. தற்போதைய அரசியல் நிலைமை தொடர்பில் கருத்துக்கூறும்போதே இவ்வாறு சொன்னார்.அவர் மேலும் கூறுகையில்; அரசு கொரோனாவின் பெயரில் தேவையற்ற பிரச்சினைகளை உருவாக்கியுள்ளது.உரப் பிரச்சினைக்கும் கொரோனாவுக்கும் இடையில் எந்தத் தொடர்பும் இல்லை. அரசிடம் திறமை இல்லை.இனவாதத்தை வைத்தே ஆட்சிக்கு வந்தது.அதனால்தான் அரசுக்கு இந்த நிலைமை. முஸ்லிம்கள் மலட்டுத்தன்மையை ஏற்படுத்தும் மாத்திரையை விநியோகிக்கிறார்கள்.டாக்டர் ஷாபி சிங்கள பெண்களுக்கு கர்ப்பத்தடை சத்திர சிகிச்சை செய்தார் என்று கூறியே இந்த அரசு ஆட்சிக்கு வந்தது.இப்போது எங்கே அந்த விவகாரம்.? இப்போது அந்த பெண்களுக்கு குழந்தை பிறந்துவிட்டதா? இந்த அரசால் எதுவித நன்மையையும் மக்களுக்கு ஏற்படவில்லை.அமைச்சர்கள் வழக்குகளில் இருந்து விடிவிக்கப்பட்டமை மட்டும்தான் நடந்திருக்கிறது.இவ்வாறு 46 வழக்குகள் விடுவிக்கப்பட்டுள்ளன.என்றார்.    
முஸ்லிம் எம்பிக்கள் இனி அரசுடன்தான்: அவர்களால் அரசுக்கு 157 ஆசனங்கள் 
Thu, 09 Dec 2021 14:55:41 +0530
அரசுக்கு ஆதரவு வழங்கி வரும் முஸ்லிம் எம்பிக்கள் யாரும் அரசை விட்டு விலகமாட்டார்கள் என்றும் அவர்களால் அரசுக்கு 157 ஆசனங்கள் கிடைத்துள்ளன என்றும் இராஜாங்க அமைச்சர் தயாசிறி ஜயசேகர கூறினார். ஹக்கீமுடனும்,றிஷாத்துடனும் அவர்களுக்கு பிரச்சினை இருப்பதால் அவர்கள் தொடர்ந்தும் அரசுடன்தான் இருப்பார்கள் என்று அவர் மேலும் கூறினார். பெறமுண எம்பிக்கள் 133 உள்ளனர் என்றும் மிகுதி எம்பிக்கள் ஏனைய கட்சிகளை சேர்ந்தவர்கள் என்றும் தயாசிறி சொன்னார். தொலைகாட்சி ஒன்றுக்கு அவர் வழங்கிய பேட்டி ஒன்றிலேயே இவ்வாறு தெரிவித்தார்.
சபாநாயகருக்கு கத்தியால் குத்துவார்கள் 
Mon, 06 Dec 2021 19:47:23 +0530
எதிர்க்கட்சியினர் சபாநாயகருக்கு கத்தியால் குத்தினாலும் குத்துவார்கள்.அவர்களின் செயற்பாடு அப்படித்தான் உள்ளது என்று இராஜாங்க அமைச்சர் செஹான் சேமசிங்க கூறினார். இன்று நாடாளுமன்றில் மனுஷ நாணயக்காரவின் விவகாரம் தொடர்பாகக் கருத்துக் கூறும்போதே இவ்வாறு தெரிவித்தார்.அவர் மேலும் கூறுகையில்; வெள்ளிக்கிழமை இடம்பெற்ற சம்பவத்துக்கு முன் உள்ள ஒரு வாரத்தை சபாநாயகர் ஆராய்ந்து பார்க்க வேண்டும்.பிரச்சினை ஒன்றை உண்டு பண்ணக்கூடிய சூழல் ஒன்றை அவர்கள் உருவாக்கிக்கொண்டு இருந்ததை அறியலாம்.அவர்களின் விவாதம் அப்படித்தான் இருந்தது. வரலாற்றில் அவர்கள் எவ்வாறு செயற்பட்டார்களோ அப்படித்தான் இப்பவும் செயற்படுகிறார்கள்.கடந்த முறை அவர்களின் ஓர் உறுப்பினர் கத்தியை எடுத்துக்கொண்டு மற்றொரு எம்பியைக் குத்துவதற்கு வந்தார்.அவர்கள் சபாநாயகரைக்கூட கத்தியால் குத்துவார்கள். எதிர்க்கட்சி உறுப்பினர்களுக்கு சபைக்குள் பாதுகாப்பு உண்டு.அரச எம்பிக்களின் பாதுகாப்புத் தொடர்பில்தான் பிரச்சினை இருக்கிறது.என்றார்.    
எம்பிக்களுக்கு பாதுகாப்பில்லை:சபையில் இருந்து தப்பியோடும் நிலை 
Mon, 06 Dec 2021 18:35:35 +0530
எம்பிக்களுக்கு பாதுகாப்பில்லை.அவர்கள் ஒளிந்து ஒளிந்து நாடாளுமன்றத்தை விட்டு வெளியேறும் நிலை ஏற்பட்டுள்ளது என்று ஜேவிபி தலைவர் அனுரகுமார திஸாநாயக்க இன்று  நாடாளுமன்றில் கூறினார். ஐக்கிய மக்கள் சக்தி எம்பி மனுஷ நாணயக்கார மீது அரச தரப்பு எம்பிக்களால் தாக்குதல் நடத்துவதற்கு முயற்சிக்கப்பட்ட சம்பவம் தொடர்பில் உரை நிகழ்த்தும்போதே இவ்வாறு கூறினார்.அவர் மேலும் கூறுகையில். இன்று ஐக்கிய மக்கள் சக்தி எம்பிக்கள் சபையில் இல்லை.அதற்கு காரணம் மனுஷ நாணயக்கார விவகாரம்.அவர்மீது தாக்குதல் நடத்துவதற்கு எடுக்கப்பட்ட முயற்சி. அவர் பயந்து-மறைந்து நாடாளுமன்றத்தை விட்டு வெளியேறி இருக்கிறார்.எம்பி ஒருவர் சபையில் பேசிவிட்டு போகும்போது அவரைத் தாக்குவதற்கு முயற்சிப்பது-அவர் ஒளிந்து வெளியே செல்வது,அப்படி வெளியேறுவதற்கு சபாநாயகரின் கதவைப் பாவிப்பது,தனது வாகனத்துக்கு பதிலாக வேறு வாகனத்தில் ஏறிச் செல்வது போன்ற செயல்கள் எதைக் காட்டுகின்றன? அவருக்குப் பாதுகாப்பில்லை என்பதைக் காட்டுகிறது. இப்படியான சந்தர்ப்பங்களில் அறிக்கை,குழு,பேச்சுவார்த்தை போன்ற விடயங்களை காண்கிறோம்.முன்பு நடந்த சம்பவங்கள் தொடர்பில் சிஐடிகூட விசாரணை நடத்தி இருக்கிறது.அவர்களின் விசாரணை வெளியாகவும் இல்லை அதை அடிப்படையாக வைத்து சம்பந்தப்பட்டவர்களுக்கு எதிராக நடவடிக்கை எடுக்கப்படவும் இல்லை. குறைந்தது நாடாளுமன்றதுக்கு இரண்டு வாரங்களாவது தடை விதிக்கவில்லை. இன்று நாடாளுமன்றத்துக்கு வந்து செல்வதற்கு எம்பிக்களுக்கு பாதுகாப்பில்லை என்று அந்த எம்பிக்கள் தெரிவிக்கிறார்கள்.இப்படியான நிலையில் எப்படி நாடாளுமன்றத்தை நடத்துவது? சபாநாயகர் ஒரு முடிவெடுக்க வேண்டும்.இல்லாவிட்டால் சபையைக் கொண்டு நடத்த முடியாது.என்றார்.  
அதிகமான ஆண்கள் பாலியல் தொழிலில்: பாலியல் தொழிலை நிறுத்த முடியாது
Sun, 05 Dec 2021 11:06:43 +0530
பாலியல் தொழில் பழங்காலத்து தொழில் என்பதால் அதை ஒருபோதும் ஒழித்துக்கட்ட முடியாது என்று டயானா கமகே எம்பி தெரிவித்துள்ளார். இப்போது பெண்களைப்போல் ஆண்களும் அதிகமாக பாலியல் தொழிலில் ஈடுபட்டு வருகிறார்கள் என்றும் அவர் கூறினார். தனியார் தொலைகாட்சி ஒன்றுக்கு அவர் வழங்கிய பேட்டி ஒன்றிலேயே இவ்வாறு கூறினார்.அவர் மேலும் கூறுகையில்;  விபச்சாரத்தை சட்டபூர்வமாக்குமாறு நான் கூறவில்லை.ஆனால்,ஆக்கினால் நல்லது. பாலியல் தொழிலில் ஈடுபடும் பெண்கள் விரும்பி அதைச் செய்வதில்லை.சூழல்தான் காரணம். அவர்கள் சுரண்டப்படுகிறார்கள்.பல பிரச்சினைகளுக்கு உள்ளாகிறார்கள். என்னதான் நடவடிக்கை எடுத்தாலும் பாலியல் தொழிலை நிறுத்த முடியாது.இது காலகாலமாக நடக்கும் தொழில்.பழங்காலத்தில் இருந்து வருகிறது.சூழல் அவர்களை இந்த இடத்துக்குத் தள்ளுகிறது. வேலைக்குச் சென்றால்,உயர் பதவியை நாடினால் பாலியல் லஞ்சம் கோரப்படுகிறது.கணவன் இறந்ததும் பிள்ளைகளை வளர்ப்பதற்கு வேறு வழி இல்லாமல் போவதால் பாலியல் தொழிலுக்கு வருகிறார்கள். பெண்கள் மட்டுமல்ல அதிகமான ஆண்களும் இப்போது பாலியல் தொழிலில் ஈடுபடுகிறார்கள்.என்றார்.
நாடாளுமன்றில் மோசமாக செயற்படும் எம்பிக்களுக்கு எதிராக நடவடிக்கை
Sun, 05 Dec 2021 10:51:47 +0530
நாடாளுமன்றில் மிக மோசமாக நடந்துகொள்ளும் எம்பிக்களுக்கு எதிராக சபாநாயகர் நடவடிக்கை எடுக்க வேண்டும் என்று அமைச்சர் மஹிந்த அமரவீர கூறினார். இது தொடர்பில் அவர் மேலும் கூறுகையில்; நாடாளுமன்றில் எம்பிக்கள் மிக மோசமாக நடந்துகொள்கிறார்கள்.இதை சபாநாயகர் கட்டுப்படுத்த வேண்டும்.அவர்களைத் தண்டிக்க வேண்டும்.அவ்வாறானவர்களை  வரவிடாமல் சபைக்கு தடை செய்யவும் முடியும்.அதற்கான அதிகாரம் அவருக்கு உண்டு. கட்சித் தலைவர்கள் அவர்களின் உறுப்பினர்களை கட்டுப்படுத்த வேண்டும். எங்களது சு.கவைச் சேர்ந்த யாராவது இப்படி நடந்துகொண்டால் அவர்களுக்கு எதிராக கட்டாயம் நடவடிக்கை எடுப்போம். கொரோனா காரணமாக இப்போது பாடசாலை மாணவர்கள் நாடாளுமன்ற அமர்வுகளை பார்ப்பதற்கு வருவதில்லை.அவர்கள் வரும்போது இவர்கள் இப்படி நடந்துகொண்டால் அது பெரிய அவமானமாகப் போகும்
நாடாளுமன்றம் செல்லாத எம்பிக்களுக்கு எதிராக ஜனாதிபதி நடவடிக்கை 
Sun, 05 Dec 2021 09:51:36 +0530
நாடாளுமன்றத்துக்கு ஒழுங்காக  செல்லாத எம்பிக்களின் பெயர் பட்டியலை ஜனாதிபதி நாடாளுமன்ற செயலாளரிடம் கோரியுள்ளார். வரவு-செலவு திட்டம் மீதான விவாதம் இடம்பெறும் காலத்தில் எவரும் வெளிநாடு செல்லக்கூடாது. அனைவரும் நாடாளுமன்றுக்குச் செல்ல வேண்டும் என்று ஜனாதிபதி பொதுஜன பெறமுண எம்பிக்களிடம் ஏற்கனவே கோரி இருந்தார். இந்த நிலையில் முன்வரிசை அமைச்சர்கள் எவரும் சபைக்கு வருவதில்லை.எதிர்க்கட்சிகள் கேட்கும் கேள்விகளுக்கு பதிலளிக்க எவரும் இல்லை. ஜனாதிபதி சபைக்கு வரும்போதுதான் எல்லோரும் வருகிறீர்கள்.அப்படியென்றால் ஜனாதிபதியை ஒவ்வொரு நாளும் சபைக்கு அழைக்க வேண்டும் என்று சபாநாயகர் ஓரிரு நாட்களுக்கு முன் கூறி இருந்தார். இது ஜனாதிபதியின் காதில் விழ ஆத்திரமடைந்த ஜனாதிபதி தனது கட்சி எம்பிக்களின் வருகை தொடர்பான விவரத்தை நாடாளுமன்ற செயயாளரிடம் கோரி இருக்கிறார். இதன் அடிப்படையில் சபைக்கு ஒழுங்காகச் செல்லாத உறுப்பினர்களுக்கு எதிராக ஜனாதிபதி நடவடிக்கை எடுப்பார் என்று ஜனாதிபதியின் வட்டாரம் தெரிவிக்கிறது.
அடுத்த பாதுகாப்பு அமைச்சர் நான்தான்: மாவீரர் தினக் கொண்டாட்டம் சட்டவிரோதம்
Fri, 03 Dec 2021 23:56:12 +0530
அடுத்து உதயமாவப்போவது சஜித் பிரேமதாசா தலைமையிலான அரசுதான் என்றும் அதில் தான்தான் பாதுகாப்பு அமைச்சர் என்றும் சரத் பொன்சேகா இன்று நாடாளுமன்றில் கூறினார். வரவு-செலவு திட்டத்தின் பாதுகாப்பு அமைச்சுக்கான நிதி ஒதுக்கீடுமீதான குழுநிலை விவாதத்தைத் தொடக்கி வைத்து உரையாற்றும்போதே இவ்வாறு கூறினார்.அவர் மேலும் கூறுகையில்;   இறந்தவர்களை கொண்டாடுவதில் பிரச்சினை இல்லை.ஆனால்,பிரபாகரனின் பிறந்தநாளை அதற்குள் சேர்ப்பதுதான் பிரச்சினை. பிரபாவின் பிறந்தநாளை தெரிவு செய்து அதற்கு மாவீர தினம் என்று பெயர் சூட்டி கொண்டாடுவதை ஏற்க முடியாது.புலிகளை கொண்டாடுவது சட்டவிரோதம். ஜேவிபி நினைவுகூறலும் புலிகளின் நினைவு கூறலும் ஒன்றல்ல.ஜேவிபி அரசியல் ஒன்றுக்காக புரட்சி செய்தனர்.அதற்காக அவர்கள் ஆயுதங்களை கையில் எடுத்தாததால் அதை முறியடிக்க வேண்டி ஏற்பட்டது அரசுக்கு. புலிகள்போல் ஜேவிபி நாட்டை இரண்டாக்கப் பிரிக்கவோ அல்லது ஓர் இனத்தை இலக்கு வைத்தோ புரட்சி செய்யவில்லை. புலிகள் நாட்டை இரண்டாகப் பிரிக்க சண்டை செய்தார்கள்.அவர்களின் ஆதரவாளர்கள் இன்னும் அதைச் செய்கிறார்கள்.இந்தக் கொண்டாத்தின் பின்னணியில் அரசியல்வாதிகள் உள்ளனர். சிறையில் உள்ள புலிகளை விடுதலை செய்வதில் எனக்கு உடன்பாடு.என்னை கொல்வதற்கு குண்டு வந்தவர் மொரிஸ்.அவரை முதலில் விடுதலை செய்யுங்கள் என்று கேட்கிறேன். சஜித்தின் அரசில் நான்தான் பாதுகாப்பு அமைச்சர்.சஜித்தே அதை என்னிடம் கூறினார்.என்றார்.
அடுத்த ஜனாதிபதி வேட்பாளர் சஜித் பிரேமதாஸாதான்:ஆட்சியைப் பிடிப்பது உறுதி 
Thu, 02 Dec 2021 09:40:40 +0530
அடுத்த ஜனாதிபதித் தேர்தலில் தாம் ஆட்சியைப் பிடிப்பது நிச்சயம் என்றும் தமது ஜனாதிபதி வேட்பாளர் சஜித் பிரேமதாஸாதான் என்றும் முஜிபுர் ரஹ்மான் எம்பி தெரிவித்துள்ளார். இது தொடர்பில் அவர் கருத்துக்கூறுகையில்; அடுத்த தேர்தலில் நாம் வெல்வோம்.ஜனாதிபதி வேட்பாளர் சஜித் பிரேமதாசாதான்.அதில் மாற்றமில்லை.எமது கட்சி உறுப்பினர்கள் அனைவரும் அவரையே வேட்பாளராக நிறுத்துவோம். இப்போதைய பொருளாதார பிரச்சினைக்குத் தீர்வாக ஏற்றுமதி பொருளாதாரம் என்ற கொள்கையில்தான்  நாம் இருக்கிறோம். இந்த ஆட்சியை வீட்டுக்கு அனுப்பிவிட்டு நாட்டை காப்பாற்ற வேண்டிய பொறுப்பு எம் அனைவரிடமும் உண்டு.நாட்டைக் கட்டி எழுப்புவதற்கான சரியான திட்டம் எம்மிடம் உண்டு.என்றார்.
கேஸ் கலவையில் மாற்றம்: உண்மையை ஒத்துக்கொண்ட கேஸ் நிறுவனம் 
Tue, 30 Nov 2021 20:29:27 +0530
பரிட்சாத்த நடவடிக்கையாக கடந்த ஜூலை மாதம் கேஸ் சிலிண்டரின் கேஸ் கலவையில் மாற்றம் ஏற்படுத்தியது உண்மைதான் என்று லிட்ரோ கேஸ் நிறுவனத்தின் தொழில்சாலை முகாமையாளர் ஐ.விஜேரத்ன தெரிவித்துள்ளார். இவ்வாறு மாற்றம் செய்யப்பட சில சிலிண்டர்கள் மாத்திரமே சந்தையில் விடப்பட்டுள்ளன என்று அவர் மேலும் கூறினார். அந்தக் கலவை வெற்றியளிக்கவில்லை என்றும் அந்த சிலிண்டர்கள் சந்தையில் இருந்து மீளப்பெறப்பட்டுவிட்டன என்றும் அவர் சொன்னார். தொலைகாட்சி ஒன்றுக்கு வழங்கிய பேட்டி ஒன்றிலேயே இவ்வாறு தெரிவித்தார்.   
ஜனாதிபதியை தினமும் நாடாளுமன்றுக்கு அழைக்க வேண்டும் 
Tue, 30 Nov 2021 15:20:23 +0530
இனி ஒவ்வொரு நாளும் ஜனாதிபதியை நாடாளுமன்ற அமர்வுக்கு அழைக்க வேண்டும்.அப்போதுதான் அமைச்சர்கள் எல்லோரும் நாடாளுமன்றுக்கு வருவீர்கள். இவ்வாறு சபாநாயகர் மஹிந்த யப்பா கூறினார்.இன்று நாடாளுமன்றில் இடம்பெற்ற கேஸ் வெடிப்பு தொடர்பான சஜித் பிரேமதாஸாவின் கேள்வியின்போதே சபாநாயகர் இவ்வாறு கூறினார்.அவர் மேலும் கூறுகையில்; அரசின் பக்கம் முன்வரிசை அமைச்சர்கள் எவரும் இல்லை.ஆனால்,ஜனாதிபதி வந்தால் எல்லோரும் வருகிறீர்கள்.அப்படியென்றால் ஒவ்வொரு நாளும் ஜனாதிபதியை நாடாளுமன்றுக்கு வரச் சொல்ல வேண்டும். கவலைக்குரிய விடயம்.இப்படியான பிரச்சினைகள் எழும்போது பதிலளிக்க அமைச்சர்கள் எல்லோரும் இருக்க வேண்டும். கூட்டுப்பொறுப்பில் இருந்து விலகாதீர்கள்.இதில் கூடிய கவனம் செலுத்துங்கள் என்றார்.
சஜித்தின் பக்கம் செல்லப்போகிறாரா அர்ஜுன?
Tue, 30 Nov 2021 08:12:44 +0530
ஐக்கிய தேசிய கட்சியில் இருந்து தான் விலகிக்கொள்வதாக அர்ஜுன ரணதுங்க அறிவித்தார் அல்லவா.அவர் சஜித்தின் கட்சியில் சேரப்போகிறார் என்று நெருக்கமான வட்டாரங்கள் தெரிவிக்கின்றன. கடந்த நாடாளுமன்றத் தேர்தலில் ஐக்கிய தேசிய கட்சியில் போட்டியிட்டுத் தோல்வியடைந்தார் அர்ஜுன.அதன்பின் ஐக்கிய தேசிய கட்சியின் நடவடிக்கையை அவதானித்து வந்தார். ஒரு பலமான அரசியல் கட்சியாக உருவெடுப்பதற்கோ ஆட்சியைப் பிடிப்பதற்கோ எந்தவொரு வேலைத் திட்டமும் அந்தக் கட்சியிடம் இல்லாததால் அதிருப்தியடைந்து அக்கட்சியில் இருந்து விலகினார். அவ்வாறு விலகியவரை சஜித் அணியில் சேர்ப்பதற்கான முயற்சிகள் மேற்கொள்ளப்பட்டு வருகின்றன என்று ஐக்கிய மக்கள் சக்தி வட்டாரம் தெரிவிக்கிறது.
69 இல் 9தான் மிச்சம் 
Sat, 27 Nov 2021 18:40:40 +0530
ஜனாதிபதித் தேர்தலில் கோட்டாபய ராஜபக்சவுக்கு கிடைத்த 69 லட்சம் வாக்குகளில் இப்போது 9 லட்சம்தான் எஞ்சியுள்ளது.60 லட்சமும் சரி என்று கூறினார் ஹர்சன ராஜகருணா எம்பி. தற்போதைய நிலவரம் தொடர்பில் கருத்துக்கூறிய அவர் மேலும் தெரிவிக்கையில், பிழையை சரி செய்யுங்கள்.நாங்கள் இப்போது பேசுவது நாளை ஆட்சியைப் பிடிப்பதற்கு அல்ல.மக்களுக்காக.அரசுக்கு வாக்களித்த 69 லட்சம் பேரில் 60 லட்சம் பேர் அரசின்மீது கடும் திருப்தியோடு உள்ளார்கள்.9 லட்சம் வாக்குகள்தான் எஞ்சியுள்ளன. இந்தப் பொருளாதார பிரச்சினை மஹிந்த குடும்பத்தின் நண்பர்கள்,உறவினர்கள் கோடிக் கணக்கில் பணம் சம்பாதிப்பதற்காக ஏற்படுத்தப்பட்டதுதான்.மக்களின் நன்மைகளுக்காக எதுவும் செய்யப்படவில்லை. நான் முதலில் எனது வீட்டுக்கு வாரம் ஒன்றுக்கு 3500 ரூபாவுக்கு மரக்கறி வாங்கினே.இந்த வாரம் 7200 ரூபாவுக்கு வாங்கினேன்.அந்தளவுக்கு விலை ஏறிவிட்டது. அப்படியென்றால் ஏழைகளைப்பற்றி கொஞ்சம் சிந்தித்துப் பாருங்கள்.என்றார்.
Popular News

© 2022 Lanka Watch. All rights reserved | Solution by Titum.LK | About Us | Contact Us