Home / Sub Lead News
Sub Lead News
புத்தர் சிலையை உடைத்த இந்தியர் திடீர் மரணம் 
Tue, 06 Apr 2021 10:10:43 +0530
குருநாகல்,குளியாபிட்டியவில் புத்தர் சிலையை உடைத்த சந்தேகத்தின் பேரில் வாரியபோல சிறைச்சாலையில் தடுத்து வைக்கப்பட்டிருந்த இந்திய நாட்டவர் நேற்று திடீரென உயிரிழந்துள்ளார். திடீர் சுகவீனமே மரணத்துக்குக் காரணம் என்று பொலிஸார் தெரிவித்துள்ளனர். நேற்றிரவு அவருக்கு திடீர் சுகாச பிரச்சினை ஏற்பட்டது.அதனைத் தொடர்ந்து வாரியப்போல வைத்தியசாலையில் சேர்க்கப்பட்டார் அவ்வாறு சேர்க்கப்பட்ட பின்னரே அவர் உயிரிழந்தார் என்று பொலிஸார் மேலும் தெரிவித்துள்ளனர். இவரின் உடல் PCR சோதனைக்காகா வைத்தியசாலையில் வைக்கப்பட்டுள்ளது.
மாகாண சபைத் தேர்தலில் வெல்வதற்காகவே  புர்கா-மதரஸா தடை 
Sun, 14 Mar 2021 08:41:08 +0530
மாகாண சபைத் தேர்தலை நடத்துவதற்குத் தயாராகி வருகிறது அரசு.நாடாளுமன்றத் தேர்தலில் அபார வெற்றியை அடைந்ததுபோல் இந்தத் தேர்தலிலும் அபார வெற்றியை அடைய முடியுமா என்பது சந்தேகமே. அதனால்தான்,முஸ்லிம் விரோத செயற்பாடுகள் சிலவற்றை முன்னெடுத்து அவற்றின் ஊடாக அரசு வெற்றி பெறுவதற்குத் திட்டமிட்டுள்ளது என்று அறிய முடிகிறது. நீண்ட காலமாகப் பேசப்பட்டு வரும் புர்கா தடையை நிறைவேற்றுவதன் மூலமும் மத்ரஸாக்கள் சிலவற்றைத் தடை செய்வதன்மூலமும் மாகாண சபைத் தேர்தலில் அபார வெற்றியை அடைய முடியும் என்று அரசு நம்புகிறது. இதன் காரணமாகவே,மேற்படி விடயங்களில் கை வைப்பதற்கு அரசு களமிறங்கியுள்ளது என்று அறிய முடிகிறது.
புதிய அரசமைப்பில் மாகாண சபை முறைமை ஒழிக்கப்படலாம் 
Sun, 07 Mar 2021 10:05:13 +0530
அரசால் தாயாரிக்கப்படுகின்ற புதிய அரசமைப்பில் மாகாண சபை முறைமை ஒழிக்கப்படுவதற்கு வாய்ப்புகள் உள்ளன என்று அரச தகவல்கள் தெரிவிக்கின்றன. மாகாண சபை முறைமை ஒழிக்கப்பட வேண்டும் என்ற கோரிக்கை அரசுக்குள் அதிகமாக முன்வைக்கப்பட்டு வருகிறது என அந்தத் தகவல்கள் மேலும் தெரிவிக்கின்றன. அதவேளை,மாகாண சபை முறைமை இருக்க வேண்டும் என்றும் புதிய அரசமைப்பு உருவாக்கப்பட்ட பின்பே மாகாண சபைத் தேர்தல் நடத்தப்பட வேண்டும் என்றும் வேறு சிலரும் அரசுக்குள் கூறி வருகின்றனர் என்றும் தெரிய வருகிறது. அதன்படி,புதிய அரசமைப்பு உருவாக்கப்பட்ட பின் இந்தத் தேர்தல் இடம்பெறவும் முடியும் அல்லது மாகாண சபை முறைமை இல்லாமல் போகவும் முடியும் என்று அந்தத் தகவல்கள் தெரிவிக்கின்றன.
எம்மைத் தடை செய்ய முடியாது 
Mon, 01 Mar 2021 07:45:46 +0530
எம்மைத் தடை செய்ய வேண்டும் என்று ஈஸ்டர் தாக்குதல் விசாரணை ஆணைக்குழுவின் அறிக்கையில் சிபாரிசு செயப்பட்டுள்ளதை ஏற்க முடியாது என்று பொது பலசேனா அமைப்பின் பொதுச் செயலாளர் ஞானசார தேரர் தெரிவித்துள்ளார். நாம் ஆக்ரோஷமாகப் பேசி வந்ததுக்கு இஸ்லாமிய அடிப்படைவாதிகளே காரணம் என்றும் அவர்களை அடக்குவதற்காகவே அவ்வாறு செயற்பட்டோம் என்றும் அவர் கூறியுள்ளார். வன்முறையையோ பயங்கரவாதத்தையோ தாம் தூண்டவில்லை என்று தெரிவித்துள்ள ஞானசார குர்ஆனில் இருக்கும் பிழைகளையே சுட்டிக்காட்டி வந்தோம் என்றும் கூறியுள்ளார். இது தொடர்பில் ஊடகங்களுக்கு கருத்துத் தெரிவிக்கும்போதே இவ்வாறு கூறினார்.
அடுத்த தேர்தல்களில் அரசுக்கு முஸ்லிம் வாக்குகள் தேவை
Sun, 28 Feb 2021 18:45:56 +0530
இனி வருகின்ற எல்லாத் தேர்தல்களிலும் அரசுக்கு முஸ்லிம் வாக்குகள் தேவைப்படும் என்று அரசு கருதுகிறது   என்றும் அந்த  வாக்குகளை பெறுவதற்கு ஏற்பவே அரசின் செயற்பாடுகள் அமைந்துள்ளன என்றும் ரத்தின தேரர் எம்பி கூறியுள்ளார். சிங்கள வார இதழ் ஒன்றுக்கு வழங்கிய செவ்வி ஒன்றிலேயே இவ்வாறு தெரிவித்துள்ளார்.அவர் மேலும் கூறுகையில், சிங்கள மக்களின் அதிகமான வாக்குகளை பெற்றவர் ஜனாதிபதி கோட்டாபாய ராஜபக்ஸ..அடுத்த முறை அப்படி வாக்குகள் கிடைக்காது.அதனால் முஸ்லிம்களின் வாக்குகளையும் பெற வேண்டும் என்று அவர்கள் நினைக்கிறார்கள் போலும்.அதற்கு ஏற்பவே அரசு இப்போது செயற்படுகிறது. ஈஸ்டர் தாக்குதல் ஆணைக்குழுவின் அறிக்கையில் நாம் எதிர்பார்த்தது வேறு.கிடைத்தது வேறு.அதில் மைத்திரிபால உள்ளிட்ட சிலரைக் குற்றஞ்சாட்டியது மட்டும்தான் நடந்திருக்கிறது. அமேரிக்கா,இந்தியா உள்ளிட்ட நாடுகள் இதில் தொடர்புபட்டுள்ளதா,ஸஹ்ரான் இப்படியான தாக்குதலை நடத்துவதற்குக் காரணமாக அமைந்த விடயங்கள் என்ன போன்ற தகவல்களை நாம் எதிர்பார்த்திருந்தோம்.அப்படி எதுவும் அதில் இல்லை.என்றார்.   
ஈஸ்டர் தாக்குதலை திட்டமிட்டு நடத்தியது சிங்களவர்களோ ?
Thu, 25 Feb 2021 09:57:56 +0530
ஈஸ்டர் தாக்குதல் தொடர்பான ஆணைக்குழுவின் அறிக்கையைப் பார்க்கும்போது சிங்களவர்கள்தான் இந்தத் தாக்குதலைத் திட்டமிட்டு நடத்தினார்கள் என்பதுபோல் உள்ளது.இதைப் படித்துப் பார்க்கும் சர்வதேச நாடுகள் அப்படித்தான் நினைக்கும்.என்று அஸ்கிரிய பீடத்தின் நாரம்பனாவே ஆனந்த தேரர் தெரிவித்துள்ளார். முன்னாள் ஜனாதிபதி மைத்திரிபால சிறிசேன,முன்னாள் பிரதமர் ரணில் விக்ரமசிங்க,முன்னாள் பாதுகாப்பு செயலாளர்,முன்னாள் பொலிஸ்மா அதிபர் என சிங்களவர்களுக்கு எதிராக நடவடிக்கை எடுக்க வேண்டும் என்றே அதில் சிபாரிசு செயப்பட்டுள்ளது. இவ்வாறான தாக்குதல் ஒன்றை நடத்துவதற்கு அடிப்படைவாதம் செயற்பட்டு வருகிறது என்று கூறி வந்த பொதுபல சேனாவையும் தடை செய்ய வேண்டும் என்று சிபாரிசு செய்யப்பட்டுள்ளது. இதையெல்லாம் பார்க்கும்போது சிங்களவர்கள்தான் இந்தத் தாக்குதலை திட்டமிட்டு நடத்தியதுபோல் உள்ளது.சர்வதேசம் இப்படித்தான் நினைக்கும்.என்றார்.
எம்மைத் தடை செய்தால் பரவாயில்லை
Thu, 25 Feb 2021 09:35:06 +0530
ஈஸ்டர் தாக்குதல் தொடர்பான ஜனாதிபதி ஆணைக்குழு சிபாரிசு செய்திருப்பதன்படி,இஸ்லாமிய அமைப்புகள் பலவற்றைத் தடை செய்வதற்கு நடவடிக்கை எடுத்தால் எம்மைத் தடை செய்வதுபற்றி எமக்குக் கவலை இல்லை என்று பொதுபல சேனா அமைப்பின் பொதுச் செயலாளர் ஞானசார தேரர் தெரிவித்துள்ளார். இது தொடர்பில் அவர் கருத்துக்கூறுகையில்; ஈஸ்டர் தாக்குதல் தொடர்பான ஜனாதிபதி ஆணைக்குழுவின் அறிக்கை எமக்கு திருப்தியளிக்கிறது.ஜமாஅத்-ஈ-இஸ்லாமி ,தவ்ஹீத் ஜமாஅத் போன்ற அமைப்புகளைத் தடை செய்யுமாறு அதில் சிபாரிசு செய்யப்பட்டுள்ளது. எம்மையும் தடை செய்யுமாறு அதில் சிபாரிசு செய்யப்பட்டுள்ளது.நாம் பயங்கரவாதத்தையோ,இனவாதத்தையோ தூண்டவில்லை.உண்மையான பிரச்சினைகள் தொடர்பில் குரல் எழுப்பினோம். எம்மை ஏன் தடை செய்ய வேண்டும் என்று தெளிவாகக் கூற வேண்டும். இருந்தும்,இஸ்லாமிய அமைப்புகள் பலவற்றைத் தடை செயுமாறு கூறியுள்ளதால்-அந்த சிபாரிசு நடைமுறைப்படுத்தப்பட்டால் எம்மைத் தடை செய்வதுபற்றி எமக்குக் கவலை இல்லை.என்றார்.
ஜனாஸா எரிப்பு: பொதுநலவாய நீதி அமைச்சர்கள் கூட்டத்தில் பேசப்பட்டதா?
Mon, 22 Feb 2021 09:18:26 +0530
அண்மையில் இடம்பெற்ற பொதுநலவாய நீதி அமைச்சர்கள் கூட்டத்தில் ஜனாஸா எரிப்பு தொடர்பில் எதுவும் பேசப்படவில்லை என்று நீதி அமைச்சர் அலி சப்ரி தெரிவித்துள்ளார். இந்த விடயம் அங்கு கலந்துரையாடப்பட்டதா என்று அவரிடம் கேட்டபோதே இவ்வாறு கூறினார். கொரோனாவைக் கட்டுப்படுத்துவது தொடர்பில் சட்டரீதியான பங்களிப்பு பற்றி கலந்துரையாடுவதற்காக அலி சப்ரியின் தலைமையில் இந்தக் கூட்டம் இடம்பெற்றது. ''அணைத்து சிறுபான்மை இன மக்களின் உரிமைகளும் கருத்தில் கொள்ளப்பட வேண்டும் என்று இந்தக் கூட்டத்தில் பேசப்பட்டது.ஆனால்,ஜனாஸா எரிப்பு விடயத்தை இங்கு முன்வைத்து மேலும் பிரச்சினைகளை உருவாக்க நான் விரும்பவில்லை.''-என்றார்.
ஜனாஸா நல்லடக்கம்: பெற்றுத் தருவாரா இம்ரான்கான் ?
Sat, 20 Feb 2021 09:32:04 +0530
இலங்கை வரும் பாக்.பிரதமர் இம்ரான்கான் ஜனாஸா நல்லடக்க உரிமையைப் பெற்றுத் தர வேண்டும் என்று இலங்கை முஸ்லிம்கள் விரும்புகின்றனர்.அதற்கான அழுத்தத்தையும் அவருக்குக் கொடுக்கத் தயாராகின்றனர். இம்ரான் கான் இலங்கை வருவது இந்த விவகாரத்தில் மூக்கை நுழைப்பதற்கான சாதகத் தன்மையை ஏற்படுத்தியுள்ளது.இதை அவர் சரியாகப் பயன்படுத்த வேண்டும் என்று முஸ்லிம்கள் கோரிக்கை விடுக்கின்றனர். மேலும்,இம்ரான் கான் இலங்கையில் இருக்கும் நாட்களில் கவன ஈர்ப்புப் போராட்டம் ஒன்றை நடத்தி இது தொடர்பில் அழுத்தம் கொடுப்பதற்கும் நடவடிக்கைகள் மேற்கொள்ளப்பட்டு வருகின்றன.    
ஹாதி நீதிமன்றத்தை இல்லாதொழிக்க  முஸ்லிம்களை வைத்தே போராடுவோம்
Tue, 16 Feb 2021 12:50:28 +0530
ஹாதி நீதிமன்றத்தால் பாதிக்கப்பட்டுள்ள முஸ்லிம்களை வைத்தே ஹாதி நீதிமன்றத்தை இல்லாதொழிப்பதற்குப் போராடுவோம் என்று அத்துரலிய ரத்ன தேரர் எம்பி தெரிவித்துள்ளார். இன்று இடம்பெற்றுள்ள ஊடகவியலாளர் சந்திப்பில் கலந்துகொண்டு உரையாற்றும்போதே இவ்வாறு கூறினார்.அவர் மேலும் கூறுகையில்; இலங்கையில் இஸ்லாமிய அடிப்பத்தைவாதத்தை போதிப்பதற்கு சவூதி மிக நீண்டகாலமாக நிதி உதவி செய்து வருகிறது. ஹாதி நீதிமன்றத்தால் மூவின மக்களும் பாதிக்கப்பட்டுள்ளனர்.ஏனைய இனங்களுக்கு பிரத்தியேகமாக இருக்கின்ற சட்டங்களால் யாரும் பாதிக்கப்படவில்லை. அதிகமான முஸ்லிம் பெண்கள்  நீதிமன்றத்தால் பாதிக்கப்பட்டுள்ளனர்.இவர்களை ஒன்றிணைத்துக்கொண்டு ஹாதி நீதிமன்றத்தை இல்லாதொழிப்பதற்காகப் போராடுவோம்..என்றார்.
கொரோனா ஜனாஸா நல்லடக்கம் சாத்தியம் :நிபுணர் குழுவின் அறிக்கை இதோ!
Tue, 16 Feb 2021 10:10:36 +0530
கொரோனாவால் மரணிக்கும் உடல்களை தாராளமாக அடக்கம் செய்ய முடியும் என்று அது தொடர்பாக ஆராய்வதற்காக சுகாதார அமைச்சால் அமைக்கப்பட்ட நிபுணர்கள் குழுவின் தலைவர் பேராசிரியர் ஜெனிபர் பெரேரா தெரிவித்துள்ளார். அவர் அந்த அறிக்கையில் சிபாரிசு செய்துள்ள விடயங்கள் சிலவற்றையும் தெரிவித்துள்ளார்.அதன்படி, 01-கொரோனாவாலா மரணிக்கும் உடல்களை எரிக்கவும் முடியும் அடக்கவும் முடியும். 02-உடல் 24 மணி நேரத்துக்குள் அடக்கம் செய்யப்பட வேண்டும் அல்லது எரிக்கப்பட வே ண்டும். 03-உடல்களை வீடுகளுக்கு எடுத்துச் செல்ல முடியாது. 05-உடல்கள் அடக்கம் செய்யப்படுவதாக இருந்தால் உறவினர்கள் 4 பேர் மாத்திரமே இறுதிக் கிரியையில் கலந்துகொள்ள முடியும். 06-அந்த உறவினர்கள் வெறும் 5 நிமிடங்கள் மாத்திரமே அங்கு இருக்க வேண்டும். 07-ஒரேயொரு சமயத் தலைவரே கலந்துகொள்ள முடியும். 08-உடலை திறந்து பார்க்க முடியாது. 09-நீர் நிலைகளுக்கு அருகில் அடக்கம் செய்யக்கூடாது. இவை அந்த அறிக்கையில் உள்ளடக்கப்பட்டுள்ள சிபார்சுகளாகும். இந்த நிபுணர் குழு அமைக்கப்பட்டு 5 நாட்களில் அறிக்கையைத் தயாரித்து சுகாதார அமைச்சின் செயலாளரிடம் ஒப்படைத்ததாக பேராசிரியர் ஜெனிபர் தெரிவித்துள்ளார்.
சொன்னால் மட்டும் போதாது;செய்து காட்டுங்கள் 
Thu, 11 Feb 2021 11:16:47 +0530
கொரோனாவால் உயிரிழக்கும் உடல்களை அடக்கம் செய்வதற்கு இனி அனுமதிக்கப்படும் என்று பிரதமர் மஹிந்த ராஜபக்ஸ நேற்று நாடாளுமன்றில் கூறியமை முஸ்லிம்களுக்கு அதிச்சியையும் மகிழ்ச்சியையும் கொடுத்துள்ளது. இருந்தும்,இந்த அறிவிப்போடு நிற்காது-தேவையற்ற படிமுறைகளை-சட்டதிட்டங்களை காட்டி நல்லடக்கத்தை இழுத்தடிக்காது நல்லடக்கத்தை உடன் அமுலுக்குக் கொண்டு வரவேண்டும் என்று முஸ்லிம்கள் கோரிக்கை விடுக்கின்றனர். இது வெறும் அறிவிப்போடு நின்றுவிடுமோ அல்லது ஏமாற்றப்படுமோ என்ற சந்தேகம் முஸ்லிம்களுக்கு உள்ளது.காரணம் ஜனாஸா நல்லடக்க விடயத்தில் அரசு காட்டிய இருக்கம்தான்.அடக்கம் இனி சாத்தியம் அல்ல என்பதுபோலவே அரசு நடந்துகொண்டது. இந்த நிலையில் பிரதமர் திடீரென இந்த அறிவிப்பை விடுத்ததால் முஸ்லிம்கள் அதிர்ச்சியடைந்துள்ளனர்.இதனால்,இந்த அனுமதியை உடன் அமுலுக்குக் கொண்டு வருவதன்மூலம்தான் பிரதமர்மீது முஸ்லிம்கள் நம்பிக்கை வைப்பர் என்பதில் மாற்றுக் கருத்துக் கிடையாது. கொரோனாவால் மரணித்தவர்களின் பல உடல்கள் இன்னும் வைத்தியசாலைகளில் வைக்கப்பட்டுள்ளமை குறிப்பிடத்தக்கது.
அநியாயமாக மஹிந்தவை பகைத்துக்கொண்ட விமல்!!! 
Thu, 11 Feb 2021 09:52:47 +0530
ஜனாதிபதி கோட்டாபாய ராஜபக்ஸவுக்குத் தனது விசுவாசத்தைக் காட்டப் போய் பிரதமர் மஹிந்தவை விமல் வீரவன்ச அநியாயமாகப் பகைத்துக்கொண்டார் என்றும் அது விமலின் அரசியல் எதிர்காலத்துக்கு ஆரோக்கியமானதாக அமையாது என்றும் அரசியல் விமர்சகர்கள் கூறுகின்றனர். பொதுஜன பெறமுனவின்  தலைமைத்துவத்தை ஜனாதிபதி கோட்டாவிடம் வழங்க வேண்டும் என்றொரு குண்டைத் தூக்கிப் போட்டு இப்போது சர்ச்சையை கிளப்பியுள்ளார் விமல்.மஹிந்தவின் ஆதரவாளர்களினால் வாங்கிக்கட்டிக்கொண்டு இருக்கிறார் விமல். ஜேவிபியில் இருக்கும்போதே மஹிந்தவின் விசுவாசியாக இருந்தவர் விமல்.அதன் விளைவாகவே அவர் அக்கட்சியில் இருந்து விலகி மஹிந்தவுடன் சேர்ந்துகொண்டார்.அமைச்சராகி கோட்டாவுடனும் மஹிந்தவுடனும் நெருக்கமாக இருந்து வந்தார். கோட்டாவை ஜனாதிபதி வேட்பாளராக நிறுத்துவதற்குக் காரணம் விமல்தான்.இப்போது விமல் கோட்டாவின் பக்கம் முழுமையாகச் சாய்ந்து மஹிந்தவுக்கே ஆப்பு வைக்கும் அளவுக்கு வந்துவிட்டார்.இது அவரது அரசியல் எதிர்காலத்துக்கு ஆபத்தானது என்கிறார்கள் அரசியல் விமர்சகர்கள்.  
புலிகளின் அச்சுறுத்தல் இல்லாததால் சுமந்திரனின் STF பாதுகாப்பு நீக்கப்பட்டதாம்
Tue, 09 Feb 2021 08:23:49 +0530
தமிழ் தேசிய கூட்டமைப்பின் எம்பி சுமந்திரனுக்கு புலிகளின் அச்சுறுத்தல் இருந்ததன் காரணமாகவே அவருக்கு மேலதிகமாக STF பாதுகாப்பு வழங்கப்பட்டிருந்தது என்றும் அந்த அச்சுறுத்தல் இப்போது இல்லாததால்தான் அந்தப் பாதுகாப்பு நீக்கப்பட்டுள்ளது என்றும் பொலிஸ் வட்டாரத்தில் தெரிவிக்கப்படுகிறது.  புலிகள் சார்பு அமைப்புகள் இணைந்து நடத்திய பொத்துவில் முதல் பொலிகண்டி வரையான அரச எதிர்ப்பு ஊர்வலத்தில் சுமந்திரன் கலந்துகொண்டதால் அவருக்கு புலிகளின் அச்சுறுத்தல் இல்லை என்று கருதுகிறதாம் பொலிஸ் தரப்பு. இதன் காரணமாகவே,அவருக்கு வழங்கப்பட்டிருந்த மேலதிக STF பாதுகாப்பு நீக்கப்பட்டுள்ளது என்றும் எம்பிக்களுக்கான பொலிஸ் பாதுகாப்பு நீக்கப்படவில்லை என்றும் அந்த வட்டாரம் மேலும் தெரிவிக்கின்றது.
Popular News

© 2021 Lanka Watch. All rights reserved | Solution by Titum.LK | About Us | Contact Us