அல்-அக்ஸாவில் அதான் சொல்லத் தடை:நோன்பு துறக்க விடாமல் விரட்டியடிப்பு: ரமழானில் இஸ்ரேல் அட்டூழியம் 

Thu, 15 Apr 2021 22:36:53 +0530

இந்தப் புனித ரமலான் மாதத்தில் முதல் நோன்பில் அல்-அக்ஸாவில் அதான் சொல்வதற்கு தடை விதித்தது இஸ்ரேல்.மின்சார வயர்களைத் துண்டித்து அதான் சொல்ல முடியாமல் பண்ணினர் இஸ்ரேலிய படையினர். அன்றைய தினம் அந்தப் பள்ளியில் நோன்பு துறப்பதற்கும் இஸ்ரேலிய படையினர் தடை விதித்தனர். நோன்பு துறப்பதற்காக பள்ளிவாசலுக்கு நுழைய முற்பட்ட  மக்களை கண்ணீர் புகைக்குண்டு வீசி கலைத்தனர் அவர்கள். இஸ்ரேலின் இந்த அநீதிக்கு எதிராக சர்வதேச சமூகம் நடவடிக்கை எடுக்க வேண்டும் என்று பலஸ்தீன ஜனாதிபதி பேச்சாளர் நபில் அபு ருடேனா தெரிவித்துள்ளார்.

இஸ்ரேலின் பேரிச்சம் பழம் பகிஷ்கரிப்பு 

Thu, 15 Apr 2021 21:19:51 +0530

இஸ்ரேலின் ஆக்கிரமிப்புப் பகுதியான பலஸ்தீனின் மேற்குக்கரை மற்றும் ஜோர்தான் பள்ளத்தாக்கு ஆகிய இடங்களில் உற்பத்தி செய்யப்படும் பேரிச்சம் பழங்களை புறக்கணிக்கும் நடவடிக்கைகள் ஆரம்பிக்கப்பட்டுள்ளன. அல்-அக்ஸா பள்ளிவாசலைப் பாதுகாக்கும் 'அல்-அக்ஸாவின் நண்பர்கள்' என்ற அமைப்பே இந்த நடவடிக்கையை முன்னெடுத்து வருகிறது. பிரிட்டனில் 30 லட்சம் முஸ்லிம்கள் வாழ்கின்றனர்.இது நோன்பு காலம் என்பதால் பேரித்தம் பழத்தின் தேவை அதிகரித்துள்ளது. அந்த நாட்டுக்கு ஏற்றுமதி செய்யப்படும் பேரித்தம் பழ ஏற்றுமதியாளர்களில் இஸ்ரேல் இரண்டாமிடத்தில் உள்ளது.   இந்தப் பழங்கள் எல்லாமே பலஸ்தீன முஸ்லிம்களிடம் இருந்து கைப்பற்றப்பட்ட நிலங்களில் பயிடப்பட்டவையாகும்.உலக முஸ்லிம்கள் இந்தப் பழங்களை வாங்குவதன் மூலம் பலஸ்தீன முஸ்லிம்களுக்கு எதிரான இஸ்ரேலின் அக்கிரமத்துக்குத் துணை போக வேண்டாம் என்று மேற்படி அமைப்பு கேட்டுக்கொண்டுள்ளது.

கொரோனாவை பரப்பியதே பாஜக தான்..

Thu, 15 Apr 2021 17:56:41 +0530

மேற்கு வங்கத்தில் கொரோனா பாதிப்பு மீண்டும் அதிகரித்துள்ளதற்கு பாஜகவே காரணம் எனக் குற்றட்டாட்டியுள்ள மம்தா,அனைவருக்கும் சரியான நேரத்தில் தடுப்பூசி செலுத்தப்பட்டிருந்தால் வைரஸ் பாதிப்பு அதிகரித்திருக்காது என்றும் தெரிவித்தார்.  மேற்கு வங்கத்தில் எட்டு கட்டங்களாகச் சட்டசபை தேர்தல் நடைபெறுகிறது.இதுவரை நான்கு கட்டமாகத் தமிழகத்தில் 135 தொகுதிகளில் வாக்குப்பதிவு நடைபெற்று முடிந்துள்ளது.அடுத்து ஐந்தாம் கட்ட தேர்தல் நாளை மறுநாள் நடைபெறுகிறது. மேற்கு வங்கத்தைப் பொறுத்தவரை திரிணாமுல் காங்கிரஸ் மற்றும் பாஜக ஆகிய கட்சிக்கு இடையே நேரடி போட்டி நிலவுகிறது.திரணாமுல் காங்கிரஸ் தொடர்ந்து மூன்றாவது முறையாக ஆட்சியைப் பிடிக்க வேண்டும் என்ற முனைப்பில் களமிறங்கியுள்ளது. இந்நிலையில்,பிரசார கூட்டம் ஒன்றில் பேசிய மம்தா பானர்ஜி,மேற்கு வங்கத்தில் கொரோனா பாதிப்பு மீண்டும் ஏற்பட பாஜகவே காரணம் என்று குற்றஞ்சாட்டினார். 

நோன்பு வைத்துக்கொண்டு களவில் தண்ணீர் குடித்திருக்கிறேன்

Thu, 15 Apr 2021 17:25:19 +0530

ரமழான் நோன்பு குறித்த தனது நினைவலைகளை பகிர்ந்துள்ளார் இயக்குநர் அமீர். 10 வயது முதல் ரமலான் மாதத்தில் நோன்பு நோற்று வருவதாகவும் 25 வயதுக்கு மேல் தான் நோன்பின் மாண்பையும், சிறப்பையும் உணர்ந்ததாகவும் கூறுகிறார். ''எனக்கு 10 வயது இருக்கும் என நினைக்கிறேன்.அப்போது முதல் ரமலான் மாதத்தில் நோன்பு நோற்று வருகிறேன்.அப்போதெல்லாம் எதற்காக நோன்பு வைக்கிறோம்.ரமலான் மாதத்தின் சிறப்புகள் என்ன என்பது பற்றியெல்லாம் எனக்கு எதுவும் தெரியாது.  அம்மா அதிகாலையில் எழுப்பிவிட்டு சஹர் உணவு கொடுப்பார்கள்.சாப்பிட்டுவிட்டு தூங்கிவிடுவேன். மீண்டும் பகலில் பசியெடுத்தவுடன் பசிக்குது,.பசிக்குது என வீட்டில் கூறுவேன்.'' ''அவர்களும் இன்னும் கொஞ்சம் நேரம்தான் இருப்பதாகக் கூறி என்னை சமாளிப்பார்கள்.ஒரு கட்டத்தில் வீட்டிற்கு தெரியாமல் தண்ணீர் கூட குடித்துவிடுவேன்.இதெல்லாம் 10 வயது முதல் 15 வயதிற்குள் நடந்த நிகழ்வுகள்.  அதேபோல் நோன்பு திறக்கும் நேரத்தில் (இஃப்தார்) பள்ளிவாசலுக்கு சென்று முதல் ஆளாக அமர்ந்துகொள்வேன்.'' ''இந்நிலையில் எனது தந்தை மறைவுக்கு பிறகு எனது வாழ்க்கை திசைமாறத் தொடங்கியது.கல்லூரிக் காலத்தில் தொழுவது,நோன்பு வைப்பது என எதையும் செய்யாமல் வாலிப வயதிற்கே உரிய தீயச் செயல்கள் பக்கம் திரும்பினேன்.  அது ஒரு காலம்.திடீரென ஞானோதயம் வந்த பிறகு மீண்டும் தொழுகையும்,நோன்பையும் கடைபிடித்ததோடு இஸ்லாத்தின் அடிப்படை கொள்கைகளை பற்றியும் தெரிந்துகொண்டேன்.'' ''நன்மையை ஏவி தீமையை தடுப்பவரே உண்மையான இஸ்லாமியர்.அதைவிடுத்து லுங்கி கட்டிக் கொள்வதாலும்,தாடி வைத்து தொப்பி போட்டுக் கொள்வதாலும் வரும் தோற்றத்தை வைத்து ஒருவரை உண்மையான இஸ்லாமியர் எனக் கூற இயலாது.யார் ஒருவர் பிறருக்கு தீங்கு நினைக்கவில்லையோ அவர் தான் உண்மையான முஸ்லீம்.'' ''இதனிடையே 1995-1996 காலகட்டத்தில் உதவி இயக்குநராக பணியாற்றுவதற்காக சென்னைக்கு வந்தேன். அப்போதெல்லாம் இப்போது உள்ளதுபோல் அதிகாலை 4 மணிக்கு சஹர் உணவு கிடைக்காது.இதனால் இரண்டு பிஸ்கெட் பாக்கெட் மற்றும் ஒரு டீயை வாங்கி வைத்துக் கொள்வேன்.அது தான் எனது சஹர் உணவு.'' ''ரமலான் என்றவுடன் மறக்கமுடியாத நிகழ்வுகளில் ஒன்று இது.ரம்ஜான் பண்டிகைக்காக எனக்கு அம்மா மதுரையில் துணி எடுத்துக் கொடுப்பார்.அதில் என்ன வேடிக்கை என்றால், பள்ளி யூனிபார்ஃம் தான் ரம்ஜான் புது டிரெஸ்.  ரம்ஜான் அன்று புது துணி போட்டது மாதிரியும் ஆச்சு, மற்ற நாட்களில் அதை பள்ளிக்கு பயன்படுத்துவது போலவும் ஆச்சு.சட்டையையாவது மாற்றி எடுத்துக் கொடுங்க என்று நான் அம்மாவிடம் சண்டை போட்டிருக்கிறேன்.'' ''இன்று கால ஓட்டத்தில் எல்லாம் மாறிவிட்டது.எனக்கு இன்று எவ்வளவு வசதி வாய்ப்புகள் வந்திருந்தாலும் கூட நான் இப்தார் நேரத்தில் (மாலை நோன்பு திறக்கும் நேரத்தில்) நோன்பு கஞ்சியைக்க கொண்டுதான் நோன்பு திறப்பேன். நோன்பு கஞ்சிக்கு ஈடு இணை எதுவுமே இல்லை, அதை பருகும் போது கிடைக்கும் மகிழ்ச்சி தனித்துவமானது.'' 'இசையமைப்பாளர் ஏ.ஆர்.ரஹ்மான் ஆண்டுதோறும் ரமலான் மாதத்தில் நோன்புக் கஞ்சி விநியோகம் செய்வார்.நானும் அவர் வீட்டிலிருந்துதான் கடந்த 10 வருடங்களாக நோன்புக் கஞ்சி வாங்கினேன்.இது அவருக்கே தெரியாது என நினைக்கிறேன்.கொரோனா பரவல் காரணமாக கடந்தாண்டும், இந்தாண்டும் மட்டும் எங்கள் வீட்டிலேயே நோன்புக் கஞ்சி தயாரித்துக் கொள்கிறோம்.'' ''இதேபோல் ரமலான் என்றாலே ஸக்காத் (தானம் செய்வது)என்பது இஸ்லாமியர்களுக்கு மற்றொரு முக்கியமான கடமை. நான் ரமலான் மாதம் வரட்டும் எனக் காத்திருக்கமாட்டேன். எனக்கு எப்போது எல்லாம் வருவாய் வருகிறதோ அப்போதெல்லாம் தானம் செய்வதற்கென குறிப்பிட்ட தொகையை எடுத்துவைத்து விட்டுத்தான் மற்ற பணிகளை பார்ப்பேன்''.  -எனக் கூறி ரமலான் மாதம் குறித்த தனது நினைவலைகளை பகிர்ந்தார் இயக்குநர் அமீர்.

ஆகாயத்தில் இருந்தவாறே விமானங்களை தாக்கும் ஏவுகணைகள் இப்போது துருக்கிலும் 

Wed, 14 Apr 2021 20:21:39 +0530

ஆகாயத்தில் இருந்தவாறே விமானங்களைத் தாக்கும் ஏவுகணைகளைக் கொண்டசில  நாடுகளுள் துருக்கியும் ஒன்றாக இப்போது மாறியுள்ளது. அந்த நாடு இந்த வகை ஏவுகணைகளை இப்போது தயாரித்து வருகிறது.இதை அந்நாட்டு ஜனாதிபதி ஆதுர்கான் இன்று புதன் கிழமை பெருமையுடன் அறிவித்தார். அத்தோடு,ஆகாயத்தில் இருந்தவாறே தாக்குதல் நடத்தும் வீடியோ காட்சியையும் அவர் வெளியிட்டார்.

அப்துல் கலாமின் சகோதரர் மரணம் 

Mon, 08 Mar 2021 06:28:22 +0530

அப்துல் கலாமின் மூத்த சகோதரர் முகமது முத்து மீரான் மரைக்காயர் அவரது இல்லத்தில் நேற்று [07.03.201] காலமானார்.அவருக்கு வயது 104.ராமநாதபுரம் மாவட்டம் ராமேஸ்வரத்தைச் சேர்ந்தவர்.இவர் 1916 ஆம் ஆண்டு நவம்பர் மாதம் பிறந்தார். அப்துல் கலாமைபோல் இவரும் எளிமையான வாழ்க்கையை வாழ்ந்து வந்தார்.அவரது ஜனாஸா நல்லடக்கம் இன்று இடம்பெறும்.

2 நிமிடங்களில் கொரோனா தொற்றை அறியலாம்:புதிய கருவி கண்டுபிடிப்பு

Sat, 02 Jan 2021 07:35:59 +0530

வெறும் 2 நிமிடங்களில் கொரோனா தொற்று ஏற்பட்டுள்ளதை அறியக்கூடிய புதிய கருவி ஒன்றை இந்தோனேசிய விஞ்ஞானி ஒருவர் கண்டுபிடித்துள்ளார். இலத்திரனியல் மூக்கு வடிவிலான GeNose C-19 என்று பெயரிடப்பட்டுள்ள இந்தக் கருவி ஒருவரின் சுவாசத்தை பரிசோதித்துப் பார்த்து அவருக்கு கொரோனா வைரஸ் தொற்று ஏற்பட்டுள்ளதா என்று கண்டறியும். இந்தக் கருவியை விநியோகிப்பதற்கான அனுமதியை அரசு கடந்த வாரம் வழங்கியது.  

முஸ்லிம் அரசியல்வாதிகளின் சொத்துக்களை அழிக்கும் RSS முதல்வர் 

Fri, 25 Sep 2020 06:07:09 +0530

இந்தியாவின் உத்தரபிரதேசத்தில் முஸ்லிம்களை கொடுமைப்படுத்தி வரும் RSS ஆட்சியாளர்கள் அங்குள்ள முஸ்லிம் அரசியல்வாதிகளையும் கொடுமைப்படுத்தத் தொடங்கியுள்ளனர். பல முஸ்லிம் அரசியல்வாதிகளின் சொத்துக்களை அவர்கள் திட்டமிட்டமுறையில் அழித்துவருகின்றனர் என்று கூறப்படுகிறது. குறிப்பாக,அந்த மாநிலத்தின் முஸ்லிம் அரசியல்வாதிகளான அஸாம்கான்,முக்தார் அன்சாரி,அதீக் அஹமட் மற்றும் அஷ்ரப் ஆகியோர் இந்தக் கொடுமைக்கு ஆளாகியுள்ளனர். முதல்வர் யோகி தலைமையிலான மாநில அரசு அங்குள்ள முஸ்லிம்களுக்கும் முஸ்லிம் அரசியல்வாதிகளுக்கும் இவ்வாறு கொடுமைகளை செய்து வருகின்றமை நாளுக்கு நாள் அதிகரித்துள்ளது என்று முஸ்லிம் புத்திஜீவிகள் கூறுகின்றனர்.

ஆண் குழந்தையா? பெண் குழந்தையா?  கர்ப்பிணியின் வயிற்றை கிழித்துப் பார்த்த கணவன் 

Tue, 22 Sep 2020 11:42:07 +0530

தனது மனைவின்  வயிற்றில் இருப்பது ஆண் குழந்தையா அல்லது பெண் குழந்தையா என்று அந்த கர்ப்பிணியின் வயிற்றை கத்தியால் கிழித்து பார்த்துள்ளார் அவரது கணவன். இந்தச் சம்பவம் இந்தியாவின் உத்தரபிரதேசத்தில் இடம்பெற்றுள்ளது.இவர் ஐந்து பெண் குழந்தைகளின் தந்தையாவார்.ஆண் குழந்தைக்கு ஆசைப்பட்டார். இந்தத் தடவையாவது ஆண் குழந்தை பிறக்காதா என்று ஏங்கிய அவர் அதை சோதித்துப் பார்ப்பதற்காக இந்த வேலையைச் செய்துள்ளார். கணவன் கைது செய்யப்பட்டுள்ளார்.அந்த ஏழு மாத கர்ப்பிணி ஆபத்தான நிலையில் வைத்தியசாலையில் சேர்க்கப்பட்டுள்ளார். 

தப்லீக் ஜமாஅத் உறுப்பினர்கள்மீது கொலை வெறித் தாக்குதல்; மயிரிழையில் உயிர் பிழைப்பு 

Tue, 22 Sep 2020 11:36:11 +0530

இந்தியாவின் மஹாராஷ்த்திரா மாநிலத்தில் தப்லீக் ஜமாஅது உறுப்பினர்கள்மீது தாக்குதல் நடத்தி அவர்களை கொலை செய்வதற்கு எடுத்த முயற்சி தோல்வியடைந்துள்ளது. தப்லீக் உறுப்பினர்கள் நால்வர் நண்பர் ஒருவரின் ஜனாஸா வீட்டுக்குச் சென்றுகொண்டிருக்கும் வழியில் அவர்களது வாகனம் பழுதடைந்து இடையில் நின்றது. அப்போது அங்கு வந்த ஆர் எஸ் எஸ் பயங்கரவாதிகள் இருவர் இவர்கள் முஸ்லிம்கள் என்று அறிந்துகொண்டதும் இவர்களுக்கு கடுமையாக ஏசினர். ஏன் இப்படிச் செய்கிறார்கள் என்று தெரியாமல் இவர்கள் குழம்பிப் போய் நிற்கையில் இந்த இருவரும் தொலைபேசி அழைப்பை எடுத்து மேலும் சிலரை அங்கு அழைத்தனர். ஆறு பேர் அங்கு கம்பு,தடிகளுடன் வந்து தாக்குதல் நடத்தினர்.தொப்பிகளைக் கழட்டி வீசி,தாடியை இழுத்து,ஜுப்பாக்களை கிழித்து பெரும் அட்டகாசம் புரிந்தனர். அவர்களை கொல்வதற்கு முயற்சி செய்கையில் ஒருவர் வேறு பக்கம் தப்பிச் சென்று பொலிஸிற்கு தொலைபேசி அழைப்பு எடுத்தனர்.பொலிஸார் ஒருமணிநேரம் தாமதமாக வந்து இவர்களை காப்பாற்றினார். தாக்குதல் இருவரை பொலிஸார் கைது செய்துள்ளனர். 

ஈரான் பாடசாலையில் வினோதமான சமூக இடைவெளி

Fri, 11 Sep 2020 09:13:26 +0530

கொரோனா தொற்றால் பாதிக்கப்பட்டுள்ள நாடுகளுள் ஈரானும் ஒன்று.அது மேலும் பரவுவதைத் தடுப்பதற்காக சுகாதார வழிமுறைகள் பின்பற்றப்பட்டு வருகின்றன.அவற்றுள் சமூக இடைவெளியும் ஒன்று. சமூக இடைவெளியை அந்த நாடு இறுக்கமாக பின்பற்றுகிறது என்பதற்கு இந்த படம் சிறந்த உதாரணம்.பாடசாலை ஒன்றில் மாணவர்கள் தனித்தனி பிளாஸ்டிக் கூடாரங்களில் அமர்ந்து கல்வி கற்றுவருவதை இந்தப் படம் காட்டுகிறது.

மாட்டின் சிறுநீரை அருந்தும் நடிகர் அக்ஸை குமார்!

Fri, 11 Sep 2020 09:00:25 +0530

பிரபல பொலிவூட் நடிகர் அக்ஸை குமார் உடல் ஆரோக்கியம் கருதி தினமும் மாட்டின் சிறுநீரை அருந்தி வருவதாகக் கூறியுள்ளார். bellbottom என்ற அவரது படப்பிடிப்பு ஸ்கொட்லாந்தில் நடைபெற்றுவருகிறது.அங்கு அவருடன் உடன் நடிக்கும் நடிகை ஹுமா குறைசியிடமே இதைத் தெரிவித்துள்ளார்.

இஸ்ரேலில் அதிகரிக்கும் கொரோனா! மரணம் 1077:தொற்று 145,526

Fri, 11 Sep 2020 08:40:50 +0530

இஸ்ரேலில் கொரோனா தொற்று நாளுக்கு நாள் அதிகரித்துக்கொண்டு போவதாகவும் நேற்று வியாழக்கிழமை மாத்திரம் 4429 பேருக்கு தொற்று ஏற்பட்டுள்ளது என்றும் அந்நாட்டின் சுகாதார அமைச்சர் தெரிவித்துள்ளார். இது அந்த நாட்டில் ஒரே நாளில் ஏற்பட்ட அதிகமான தொற்றாகும்.இதன்படி,இதுவரை 145,526 பேருக்கு தொற்று ஏற்பட்டுள்ளது. இதேவேளை,நேற்று 23 மரணங்கள் நிகழ்ந்துள்ளன.இது கொரோனா தொற்றால் ஒரே நாளில் ஏற்பட்ட அதிகூடிய மரணமாகும்.இதுவரை 1077 பேர் மரணித்துள்ளனர்.

இங்கிலாந் அணிக்கு கேப்டன் ஆனார் மொயின் அலி: எடுத்துக்காட்டாகத் திகழும் இங்கிலாந்

Wed, 09 Sep 2020 19:31:56 +0530

இங்கிலாந் கிரிக்கட் அணியின் T 20 கேப்டனாக அந்த அணியின் சகல துறை ஆட்டக்காரர் மொயின் அலி நியமிக்கப்பட்டுள்ளார். திறமைக்கு முதலிடம் கொடுத்து இனவாதத்துக்கு சாட்டை அடி கொடுத்துள்ளது அந்த நாடு.இலங்கை போன்ற நாடுகளுக்கு இதுவொரு முன்னுதாரணமாகும். 2014 இல் அணிக்குள் நுழைந்த மொயின் அலி இதுவரை துடுப்பாட்டத்திலும் பந்து வீச்சிலும் திறமையான ஆட்டத்தை வெளிப்படுத்தி வருகிறார்.

முஸ்லிம் இளைஞன் மரத்தில் கட்டிவைத்து அடித்துக்கொலை: இந்து இளைஞர்கள் அட்டூழியம்

Sun, 06 Sep 2020 23:13:13 +0530

இந்தியாவின் உத்தரபிரதேச பார்லி மாவட்டத்தில் முஸ்லிம் இளைஞன் ஒருவரை இந்து இளைஞர்கள் மரத்தில் கட்டி வைத்து அடித்துக் கொலை செய்துள்ளனர். பாஸித் கான் என்ற இந்த 32 வயது இளைஞனை திருட்டுச் சந்தேகத்தின் பேரில் கடந்த வியாழக் கிழமை இவ்வாறு கட்டிவைத்துத் தாக்கினர்.வெள்ளிக்கிழமை உயிரிழந்தார். அடித்து இளைஞனை பொலிஸாரிடம் ஒப்படைத்தனர்.பொலிஸாரோ அவரை வைத்தியசாலையில் சேர்க்காமல் அவரது வீட்டில் ஒப்படைத்தனர். பின்பு வைத்தியசாலையில் சேர்க்கப்பட்டு பின்னர் உயிரிழந்தார்.

சுவீடனில் குர்ஆன் எரிப்பு -வன்முறை !

Sun, 30 Aug 2020 06:41:33 +0530

முஸ்லிம்களுக்கு எதிரான டென்மார்க் நாட்டின் அரசியல் கட்சி ஒன்றின் ஏற்பாட்டில் வெள்ளிக்கிழமை சுவீடனில் புனித அல்-குர்ஆன் எரிப்பு போராட்டம் ஒன்று முன்னெடுக்கப்பட்டது. அந்தப் போராட்டத்தை ஏற்பாடு செய்திருந்த முஸ்லிம்களுக்கு எதிரான கடும்போக்குவாத டென்மார்க் அரசியல் கட்சியின் தலைவர் ரஸ்முஸ் புலத்தன் இந்த நிகழ்வில் கலந்துகொள்வதற்கு பொலிஸ் அனுமதி வழங்கவில்லை. மேலும்,அவர் சுவீடனுக்கு வர முடியாதவாறு இரண்டு வருடத் தடையும் விதிக்கப்பட்டுள்ளது. இதனால்,அந்த நிகழ்வு வன்முறையாக மாறியது.அவரது ஆதரவாளர்கள் பொலிஸாருடன் மோதலில் ஈடுபட்டனர்.குர்ஆன் மற்றும் டயர்களை எரித்து போராட்டத்தில் ஈடுபட்டனர். இதைக் கட்டுப்படுத்துவதற்காக பொலிஸார் நடவடிக்கை எடுத்ததோடு பலரைக் கைது செய்தனர்.

ஹமாஸை பாதுகாக்கும் ஆதுர்கான்:கொதித்தெழும் அமெரிக்கா!

Sat, 29 Aug 2020 20:30:08 +0530

துருக்கி ஜனாதிபதி ஆதுர்கான் ஹமாஸ் இயக்கத்துடன் பேணி வரும் உறவு காரணமாக அமெரிக்கா ஆழ்ந்த கவலையடைவதாகத் தெரிவித்துள்ளது. ஹமாஸின் அரசியல் உயர்பீடத் தலைவர் இஸ்மாயில் ஹனியா தலைமையிலான குழுவினர் கடந்த வாரம் துருக்கி சென்று ஆதுர்கானைச் சந்தித்து உரையாடினர்.ஆதுர்கான் அவர்களை நல்லமுறையில் உபசரித்து அனுப்பினார். இதைத் தாங்கிக்கொள்ள முடியவில்லை அமெரிக்காவால்.காஸாவை கட்டுப்பாட்டுக்குள் வைத்திருக்கும் பயங்கரவாதிகளுடன் துருக்கி உறவைப் பேணுவதாக அமேரிக்கா குற்றஞ்சாட்டுகிறது. ஆனால்,ஹமாஸ் பயங்கரவாத இயக்கம் இல்லை என்றும் அது ஜனநாயகரீதியிலான அரசியல் இயக்கம் என்றும் துருக்கி வெளிவிவகார அமைச்சு தெரிவித்துள்ளது.

ஈரானைவிட துருக்கியால்தான் இஸ்ரேலுக்கு அச்சுறுத்தல்:மொஸாட் எச்சரிக்கை

Fri, 28 Aug 2020 21:05:51 +0530

ஈரான் நாட்டை விட துருக்கிதான் இஸ்ரேலுக்கு மிகவும் ஆபத்தான நாடாகும் என்று இஸ்ரேலின் புலனாய்வு பிரிவான மொஸாட் தெரிவித்துள்ளது. துருக்கியின் வித்தியாசமான அரசியல் இராஜதந்திர நகர்வு இஸ்ரேலுக்குப் பெரும் சவாலாக அமையும் என்று மொஸாட் மேலும் தெரிவித்துள்ளது. ஆதுர்கான் தலைமையிலான துருக்கி இஸ்ரேலுடன் போரை ஒன்றை செய்வதற்கே முயற்சி செய்கிறது என்று மொஸாட்டின் பிரதானி போய்ஸ் தெரிவித்துள்ளார். மத்திய கிழக்கையும் கிழக்கு மத்தியதரைக் கடலையும் கட்டுப்பாட்டுக்குள் வைத்திருப்பதற்கு முயற்சி செய்யும் ஆதுர்கானின் செயற்பாடு அதிகமான எதிரிகளை உருவாக்கியுள்ளது என்றும் அவர் கூறினார்.

சீரழிகிறது சவூதி:வருகின்றன 40 திரையரங்குகள்!

Fri, 28 Aug 2020 20:43:40 +0530

சவூதி அரேபியாவில் உல்லாசத்தை ஊக்குவிக்கும் நோக்கில் அங்கு 40 திரையரங்குகளை நிர்மாணிப்பதற்கு அந்த நாட்டு அரசு தீர்மானித்துள்ளது. அந்த வகையில்,5 வருடங்களுக்குள் 15 நகரங்களில் இந்த 40 திரங்குகளும் அமைக்கப்படும் என்று அந்நாட்டு அரசு தெரிவித்துள்ளது.  அதன் முதலாவது திரையரங்கு ஜுபைல் நகரில் ஐந்து திரைகளுடனும் 416 இருக்கைளுடனும் அமைக்கப்பட்டவுள்ளது. அந்நாட்டின் முதலாவது திரையரங்கு 2018 ஏப்ரல் மாதம் சவூதி தலைநகர் ரியாத்தில் திறக்கப்பட்டமை குறிப்பிடத்தக்கது. சவூதி அரேபியா மெல்ல மெல்ல சீரழிவை நோக்கிப் பயணிக்கின்றது என்று உலமாக்கள் சுட்டிக்காட்டுகின்றனர்.

இந்து சகோதரிகளை தத்தெடுத்து இந்து முறைப்படி கல்யாணம் செய்து வைத்த முஸ்லிம் நபர்!

Fri, 28 Aug 2020 05:59:41 +0530

ஒரு முஸ்லிம் நபர் 2 இந்து பெண்களை சகோதரிகளாக தத்தெடுத்து அவர்களுக்கு இந்து முறைப்படியே கல்யாணமும் செய்து வைத்துள்ளார். மாமியார் வீட்டுக்கு போகும் பெண்களை கட்டி அணைத்து கொண்டு இந்த சகோதரர் கதறி அழும் போட்டோ இணையத்தில் பரவி வருகிறது. மகாராஷ்டிர மாநிலம் அகமத் நகரைச் சேர்ந்தவர் பாபாபாய் பதான்.இவருக்கு சகோதரிகள் யாருமே இல்லை.. ஆதரவற்றோர் ஆசிரமத்தில் இருந்து இரண்டு சகோதரிகளை தத்தெடுத்தார்.அவர்கள் 2 பேருமே இந்துக்கள்.அளவுகடந்த பாசத்தை அந்த பெண்களிடம் பொழிந்தார் பாபா. ஒரு குறையுமில்லாமல் வளர்த்தார்.அவர்களுக்கு  கல்யாணமும் செய்து வைத்திருக்கிறார் பாபா.அந்த சகோதரிகளின் விருப்பப்படியே இந்து முறைப்படி இந்த கல்யாணம் நடந்துள்ளது.அகமத் நகர் மக்களே இந்த கல்யாணத்தை வாயை பிளந்து கெண்டு ஆச்சரியப்பட்டனர்.ஊரே திரண்டு வந்து மணமக்களை வாழ்த்தியது.