மேலும் பல அமைப்புக்களுக்குத் தடை

Thu, 15 Apr 2021 20:43:07 +0530

தீவிரவாதத்தையும் அடிப்படைவாதத்தையும் காரணமாகக்கொண்டு மேலும் பல அமைப்புக்கள் தடை செய்யப்படும் என்று அமைச்சர் சரத் வீரசேகர தெரிவித்துள்ளார்.அவர் மேலும் கூறுகையில்; 11 இஸ்லாமிய அமைப்புகள் உள்ளிட்ட பல அமைப்புகளுக்கு இப்போது தடை விதிக்கப்பட்டுள்ளது.இந்தத் தடை மேலும் விஸ்தரிக்கப்படும். மேலும் பல அமைப்புகளுக்குத் தடை விதிப்பதற்கு நடவடிக்கை எடுத்து வருகிறோம்.ஐ.நாவின் சட்ட திட்டங்களுக்கு அமைய இந்த நடவடிக்கை எடுக்கப்படும். கடந்த ஆட்சியில் பல அமைப்புகளுக்குத் தடை விதிக்கப்பட்டிருந்த நிலையில்தான் உயிர்த்த ஞாயிறுத் தாக்குதல் இடம்பற்றது. நாட்டின் பாதுகாப்பை உறுதிப்படுத்துவதற்கு இவ்வாறான தடைகள் உதவும் என்று அவர் கூறினார்.      

கைகொடுத்தது பாகிஸ்தான்... காலை வாரியது இந்தியா... இலங்கையின் உண்மையான நண்பன் யார்?

Wed, 24 Mar 2021 09:51:14 +0530

இலங்கைக்கு எதிரான ஜெனீவா பிரேரணைக்கு எதிராக நேற்று வாக்களித்ததன் மூலம் இலங்கையின் உண்மையான நண்பன் தான்தான் என்று மீண்டும் ஒருமுறை நிரூபித்துள்ளது பாகிஸ்தான். ஆனால்,இந்தியாவோ சந்தர்ப்பதை பார்த்து இலங்கையின் காலை வாரியுள்ளது.தமிழ் நாட்டில் நடைபெறவுள்ள தேர்தலில் ஆசனங்களை பெற வேண்டும் என்ற நோக்கில் வாக்கெடுப்பில் இருந்து விலகி இருந்தது இந்தியா. தமிழ் நாட்டு தமிழர்களை ஏமாற்றி வாக்குகளை பெறுவதற்காக இப்படியொரு நாடகத்தை நடித்துள்ளது இந்தியா. இலங்கைத் தமிழர்களுக்கு அரசியல் தீர்வொன்றைப் பெற்றுக் கொடுப்பதற்காகவே தாம் இலங்கை அரசுக்கு ஆதரவு வழங்காது நடுநிலை வகுத்துள்ளதாக இப்போது காட்டிக்கொள்கிறது. ஆனால்,பாகிஸ்தானோ நேரடியாகவே தனது ஆதரவை இலங்கைக்கு வழங்கியுள்ளது. இந்தியாவின் பின்னால் ஓடுகின்ற-இலங்கையின் வளங்களை இந்தியாவுக்கு வழங்கத் துடிக்கின்ற இலங்கை அரசுக்கு இதுவொரு நல்ல பாடமாகும்.    

அம்பாறை பள்ளிவாசள்மீது தாக்குதல் நடத்தியவர் சரத் வீரசேகரவே! 

Mon, 15 Mar 2021 06:59:49 +0530

2018 ஆம் ஆண்டு அப்பாறை பள்ளிவாசள்மீது நடத்தப்பட்ட தாக்குதலுக்கு அமைச்சர் சரத் வீரசேகரவே காரணம் என்று அசாத் சாலி தெரிவித்துள்ளார். இந்தத் தாக்குதலின் சூத்திரதாரி இவர்தான்.இதற்கான குரல் பதிவுகள் என்னிடம் உள்ளன என்று அசாத் சாலி கூறியுள்ளார். இதை வெளியிட்டால் மக்கள் மத்தியில் தேவையில்லாத பிரச்சினைகள் ஏற்படும் என்பதால் இதை வெளியிடவில்லை என்றும் தான் நீதிமன்றில் ஆஜர் செய்யப்பட்டால் அதை நீதிமன்றில் ஒப்படைப்பேன் என்றும் அவர் தெரிவித்துள்ளார்.

1986 மத்ரஸாக்களை மூடுவதற்கு நடவடிக்கை

Sun, 14 Mar 2021 08:08:57 +0530

இஸ்லாத்துடன் தொடர்புபட்ட பல விடயங்களில் கைவைப்பதற்குத் தீர்மானித்துள்ள அரசு அவற்றுள் ஒன்றாக மத்ரஸாக்கள் பலவற்றின்மீதும் கை வைக்கவுள்ளது. பதிவு செய்யப்படாத நிலையில் 1986 மதரஸாக்கள் உள்ளன என்றும் அவை தடை செய்யப்படும் என்றும் அமைச்சர் சரத் வீரசேகர தெரிவித்துள்ளார். புர்காவைத் தடை செய்யும் அமைச்சரவைப் பத்திரத்தில் கையெழுத்திட்டுள்ள சரத் வீரசேகர அடுத்து எடுக்கப்போகும் நடவடிக்கை மத்ரஸாக்களுக்கு எதிரானதாகவே இருக்கும் என்று அரச தகவல்கள் தெரிவிக்கின்றன. 

அடுத்த ஜனாதிபதி வேட்பாளர் பஸில்... கோட்டாவுக்கு வெட்டு.. இப்போதே நகர்த்தப்படும் காய்

Fri, 12 Mar 2021 13:03:04 +0530

சிறிலங்கா பொதுஜன பெரமுனவின் அடுத்த ஜனாதிபதி வேட்பாளராக பசில் ராஜபக்சவை நிறுத்துவதற்கான காய் நகர்த்தல் இப்போதே மேற்கொள்ளப்பட்டு வருவதை அவதானிக்க முடிகிறது.  பொதுஜன பெரமுனவின் தலைமைத்துவப் பதவியை மஹிந்தவிடம் இருந்து பறித்து அதை ஜனாதிபதி கோட்டாபாயவுக்கு வழங்கி அவரையே மீண்டும் ஜனாதிபதியாக்கும் முயற்சியில் விமல் வீரவன்ச குழுவினர் ஈடுபட்டுக்கொண்டிருக்கும் நிலையில்தான் பசில் ராஜபக்சவை ஜனாதிபதி வேட்பாளராக நிறுத்துவதற்கான  காய் நகர்த்தல் மேற்கொள்ளப்பட்டு வருகிறது. பொதுஜன பெரமுனவில் இருக்கும் பசில் ஆதரவு எம்பிக்கள் மற்றும் கீழ் மட்ட உறுப்பினர்கள் இப்போதே ஜனாதிபதி வேட்பாளர் கோசத்தை முன்வைக்கத் தொடங்கியுள்ளனர். மீண்டும் கோட்டாவை ஜனாதிபதியாக்கும் நடவடிக்கையில் விமல் வீரவன்ச குழுவினர் ஈடுபடத் தொடங்கியதைத் தொடர்ந்தே அதை முறியடித்து பசிலை ஜனாதிபதியாக்கும் நடவடிக்கையில் அவரது ஆதரவாளர்கள் களமிறங்கியுள்ளனர்.

வடக்கு-கிழக்கில் தனி நாடு: பின்னணியில் அமெரிக்கா...  தாராள  நிதி உதவி...

Sun, 07 Mar 2021 09:07:08 +0530

புலிகள் அழிக்கப்பட்டதன் பின் வடக்கு-கிழக்கில் புலிகளின் தமிழீழக் கனவை நிறைவேற்றுவதற்காக அமெரிக்கா திரைமறைவில் இருந்து செயற்பட்டு வருகிறது என்று ரகசிய தகவல்கள் வெளியாகியுள்ளன. அமெரிக்காவின் US AID நிறுவனத்தின் ஊடாகவே இந்த வேலைத்திட்டம் முன்னெடுக்கப்பட்டு வருகிறது என்றும் இதற்காக இந்த நிறுவனம் இப்போதுவரை 500 மில்லியன் அமெரிக்க டொலர்களை செலவிட்டுள்ளது என்றும் தகவல்கள் தெரிவிக்கின்றன. இந்தத் தகவல் வெளியானதும்,அரச சார்பற்ற நிறுவனங்களின் பொதுச் செயலாளர் காரியாலயத்திற்கு வந்து விளக்கம் தருமாறு US AID நிறுவனத்தின் பிரதான அதிகாரி டிராவிஸ் காட்னருக்கு உத்தரவிட்டப்பட்டது.அவர் அவ்வாறு விளக்கம் தர மறுத்துவிட்டார். இவர் இலங்கை வருவதற்கு வீசா அனுமதியைப் பெற்றிருப்பது நீதி அமைச்சின் ஊடாக என்று தகவல்கள் தெரிவிக்கின்றன. இருந்தும்,அதற்கான அனுமதியை வழங்குவது அரச சார்பற்ற நிறுவன பொது செயலாளர் காரியாலயமாகும். இந்த வேலைத்திட்டத்துக்குப் பொறுப்பாக இருந்து வரும் தமிழ் அரச சார்பற்ற நிறுவனம் ஒன்றின் அதிகாரி ஒருவர் அழைக்கப்பட்டு விசாரிக்கப்பட்டார். வடக்கு-கிழக்கில் தனி நாட்டை அமைக்கும் நோக்கி மொனராகலை பிரதேசத்திலும் காரியாலயம் ஒன்று திறக்கப்பட்டுள்ளது என்று தகவல்கள் வெளியாகியுள்ளன.    

இரணைதீவில் நல்லடக்கம்: மக்கள் இன்று ஆர்ப்பாட்டம்: முஸ்லிம் பகுதிகளில் அடக்கவும்...

Wed, 03 Mar 2021 07:50:34 +0530

கொரோனாவினால் மரணிக்கும் ஜனாஸாக்களை நல்லடக்கம் செய்வதற்கு அரசு அனுமதி வழங்கியுள்ளபோதிலும்,அவற்றை அடக்குவதற்காகத் தெரிவு செய்யப்பட்டுள்ள இடமான இரணைதீவு  சர்ச்சையைக் கிளப்பியுள்ளது. அந்த இடத்தில் அடக்கம் செய்வதற்கு அப்பகுதி மக்களும் அரசியல்வாதிகளும் எதிர்ப்புத் தெரிவிக்கத் தொடங்கியுள்ளனர். அவர்கள் இன்று இதற்கு எதிராக ஆர்ப்பாட்டம் ஒன்றையும் நடத்தவுள்ளனர்.மனித உரிமைகள் ஆணைக்குழுவில் முறைப்பாடு ஒன்றையும் செய்யவுள்ளனர். இதனால் இரணைதீவில் அடக்கம் செய்யும் யோசனையைக் கைவிடுமாறு தமிழ் அரசியல்வாதிகள் அரசுக்கு அழுத்தம் கொடுக்கத் தொடங்கியுள்ளனர். முஸ்லிம்களின் மையவாடிகளிலேயே ஜனாஸாக்களை அடக்குமாறு தமிழ் தேசிய கூட்டமைப்பின் எம்பி சிறிதரன் கூறியுள்ளார். இந்தத் திட்டத்தை உடன் நிறுத்துமாறு கோரியுள்ள அமைச்சர் டக்ளஸ் இது தொடர்பில் ஜனாதிபதியுடன் பேசவுள்ளார்.இந்த ஜனாஸாக்களை வேறு இடங்களில் அடக்க நடவடிக்கை எடுக்க வேண்டும் என்றே அவர் கூறி வருகின்றார். இரணைதீவில் அடக்கம் செய்யும் தீர்மானத்தை சிறிலங்கா முஸ்லிம் காங்கிரஸ் தலைவர் ரவூப் ஹக்கீமும் எதிர்க்கின்றார்.இது இன முறுகலை ஏற்படுத்தும் என்று கூறுகிறார். இந்தப் பிரச்சினைக்கான தீர்வாக இந்த ஜனாஸாக்களை குப்பியாவத்தை மயானத்தில் அடக்கம்  செய்யுமாறு முஸ்லிம் அமைப்புகளும் அரசியல்வாதிகளும் கூறி வருகின்றனர். பேராதனை பல்கலைக்கழக ஆய்வின்படி குப்பியாவத்தை மையவாடியே பொருத்தமான இடமாகக் கண்டறியப்பட்டுள்ளது. ஆகேவ,ஜனாஸா நல்லடக்கம் மேலும் சிக்கலை ஏற்படுத்தியுள்ளதால் அரசு உடன் உரிய தீர்வை முன்வைக்க வேண்டும் என்று முஸ்லிம்கள் கோரிக்கை விடுக்கின்றனர்.

மைத்திரிக்கு எதிராக நடவடிக்கை? அரசில் இருந்து கூண்டோடு விலகும் SLFP

Fri, 26 Feb 2021 07:39:24 +0530

ஈஸ்டர் தாக்குதல் தொடர்பான ஜனாதிபதி ஆணைக்குழுவின் இறுதி அறிக்கையில் முன்னாள் ஜனாதிபதி மைத்திரிபால சிறிசேன குற்றவாளியாக்கப்பட்டுள்ள நிலையில்,அவருக்கு எதிராக அரசு சட்ட நடவடிக்கை எடுத்தால் அவரது தலைமையிலான சிறிலங்கா சுதந்திரக் கட்சி அரசில் இருந்து விலகும் முடிவை எடுக்கும் என்று சு.க வட்டாரம் தெரிவிக்கிறது. அரசு இந்தக் கட்சியை ஓரங்கட்டுவதாகக் கூறி சு.கவில் உள்ள பலர் ஏற்கனவே புலம்பத் தொடங்கியுள்ளனர்.சு.கவின் மத்திய குழுக் கூட்டத்தில் இந்த விடயம் பல தடவைகள் விவாதிக்கப்பட்டுள்ளது.அரசில் இருந்து விலகி அரசுக்கு ஒரு பாடம் புகட்ட வேண்டும் என்று அக்கட்சி உறுப்பினர்கள் அப்போது கருத்துத் தெரிவித்திருந்தனர். அவர்கள் மேற்படி அறிக்கையையே எதிர்பார்த்திருந்தனர்.அதில் மைத்திரி குற்றவாளியாக்கப்பட்டு அவருக்கு எதிராக அரசு நடவடிக்கை எடுத்தால் அரசில் இருந்து விலகுவது என்ற  நிலைப்பாட்டை அவர்கள் எடுத்திருந்தனர். அதன்படி,அரசு மைத்திரிக்கு எதிராக சட்ட நடவடிக்கை எடுத்தால் சு.க அரசில் இருந்து விலகும் என்று சு.க வட்டாரம் இப்போது தெரிவித்துள்ளது.   

நல்லடக்கம் விரைவில்! ஜனாதிபதி-பிரதமர் இணைந்து நடவடிக்கை... இம்ரான்கானின் விஜயத்தின் எதிரொலி..?

Thu, 25 Feb 2021 06:40:42 +0530

கொரோனாவால் உயிரிழக்கும் உடல்களை நல்லடக்கம் செய்வதற்கு அனுமதி வழங்குவதற்கு ஜனாதிபதியும் பிரதமரும் சேர்ந்து நடவடிக்கை எடுத்து வருகின்றனர் என்றும் இதற்காக சுகாதார அதிகாரிகளின் நிலைப்பாட்டைக் கோரியுள்ளனர் என்றும் தெரிய வருகிறது. பிரதமர் மஹிந்த ராஜபக்ஸ இது தொடர்பில் அரசில் உள்ள கட்சித் தலைவர்களை சந்தித்துப் பேசியுள்ளார்.அதனைத் தொடர்ந்து மகா சங்கத் தேரர்களையும் சந்தித்துப் பேசினார். சுகாதாரத் துறையினர் தலை அசைத்தால் தாம் நல்லடக்கத்துக்கு எதிர்ப்புத் தெரிவிக்கப் போவதில்லை என்று அவர்கள் பிரதமரிடம் கூறினார்கள் என்று தெரிய வருகிறது. இதனைத் தொடர்ந்து பிரதமரும் ஜனாதிபதியும் நல்லடக்கம் தொடர்பில் சுகாதார அதிகாரிகளின் நிலைப்பாட்டைக் கோரியுள்ளனர் என்றும் அவர்களின் நிலைப்பாடு அறிவிக்கப்பட்டதும் உடன் நடவடிக்கை எடுக்கப்படும் என்றும் தெரிய வருகிறது. இம்ரான்கானின் விஜயத்தைத் தொடர்ந்தே அரசு இந்த நடவடிக்கையில் ஈடுபட்டுள்ளது என்று தெரிவிக்கப்படுகிறது.

மத்ரஸாக்கள் இனி இவர்களின் கட்டுப்பாட்டில்...

Mon, 22 Feb 2021 08:47:52 +0530

மத்ரஸாக்கள் அனைத்தையும் தமது முழுமையான கட்டுப்பாட்டின்கீழ் கொண்டு வந்து அவற்றைக் கண்காணிக்கும் திட்டம் ஒன்றை அரசு வகுத்துள்ளது என்று அறிய முடிகிறது. பௌத்த பாடசாலைகள் மற்றும் தேரர்களுக்கான இராஜாங்க அமைச்சின் கீழ் மதரஸாக்கள் அனைத்தையும் கொண்டுவருவதற்கு அரசு நடவடிக்கை எடுத்து வருகிறது. ஈஸ்டர் தாக்குதலின் எதிரொலியாகவே இந்த நடவடிக்கை எடுக்கப்படவுள்ளது.ஈஸ்டர் தாக்குதல் போன்ற சம்பவங்கள் இனி இடம்பெறாதிருப்பதற்காகவே இந்த ஏற்பாடு என்று அரச தகவல்கள் தெரிவிக்கின்றன. மத்ரஸாக்களின் பதிவு,செயற்பாடுகள்,வெளிநாட்டு உலமாக்களின் வருகை உள்ளிட்ட அனைத்தும் இனி இந்த அமைச்சின் கண்காணிப்பில் வரப்போகின்றன. மேலும்,ஏனைய சமையப் பாடசாலைகளும் இந்த அமைச்சின் கீழ்தான் கொண்டுவரப்படவுள்ளன.

43 இஸ்லாமிய அமைப்புகளுக்குத் தடை!!! SLTJ வும் உள்ளடக்கம்...

Sun, 21 Feb 2021 10:55:07 +0530

இலங்கையில் இங்கி வரும் 43 இஸ்லாமிய அமைப்புகளுக்குத் தடை விதிப்பதற்கு அரசு தயாராகி வருவதாக தகவல்கள் தெரிவிக்கின்றன.அந்த அமைப்புகளுள்....  01-அகில இலங்கை ஸலபி கவுன்ஸில் 02-SLTJ  03-அகில இலங்கை தவ்ஹீத் ஜமாஅத்  உள்ளிட்ட அமைப்புகளும் அடங்குகின்றன என்று தெரிவிக்கப்படுகிறது. இந்த அமைப்புகள் தொடர்பில் புலனாய்வுப் பிரிவு சமர்ப்பித்த அறிக்கையை அடிப்படையாக வைத்தே இந்தத் தடையை அமுல்படுத்துவதற்கு அரசு நடவடிக்கை எடுத்துள்ளதாம். இந்த அமைப்புகள் நாட்டின் பாதுகாப்புக்கு அச்சுறுத்தலாக விளங்குகின்றன என்ற காரணத்தை முன்வைத்தே இந்தத் தடை விதிக்கப்படவுள்ளது தெரிய வருகிறது.  

ஜனாஸா எரிப்பு:முஸ்லிம் நாடுகளைத் தெளிவுபடுத்தப் போகும் அரசு!  ஜெனீவாவில் அவர்களின் ஆதரவைப் பெறுவதற்காக...

Sat, 20 Feb 2021 09:07:08 +0530

ஜெனீவாவில் முஸ்லிம் நாடுகளின் ஆதரவைப் பெறுவதற்குத் தடையாக ஜனாஸா எரிப்பு விவகாரம் இருப்பதால் அது தொடர்பில் முஸ்லிம் நாடுகளைத் தெளிவுபடுத்துவதற்கு அரசு தயாராகி வருவதாக அறிய முடிகிறது. ஜனாஸா எரிப்பு விவகாரம் இப்போது சர்வதேசம்வரை எதிரொலிக்கத் தொடங்கியுள்ளது.மனித உரிமை அமைப்புகள் பல இதற்கு எதிராகக் குரல் கொடுக்கத் தொடங்கியுள்ளன. இதனால் ஜெனீவாவில் முஸ்லிம் நாடுகளின் ஆதரவை அரசு பெற்றுக்கொள்வது சிக்கலாக அமையும் என அரசு கருதுகிறது. ஆகவே,ஜனாஸா எரிப்பில் உள்ள நியாயத்தை விளக்கி முஸ்லிம் நாடுகளைத் தெளிவுபடுத்தி முஸ்லிம் நாடுகளின் ஆதரவை பெறுவதற்கு இலங்கை வெளிவிவகார அமைச்சு நடவடிக்கை எடுத்து வருகிறது என்று அறிய முடிகிறது.

பா.ஜ.க.இலங்கைக்குள் நுழைந்தால் முஸ்லிம்களுக்கு பேராபத்து 

Tue, 16 Feb 2021 09:16:19 +0530

இந்திய பாரதிய ஜனதா கட்சி இலங்கைக்குள் நுழைந்து அதன் கட்சி அலுவலகத்தை அமைத்தால் அது முஸ்லிம்களுக்கே பேராபத்தை ஏற்படுத்தும் என்று அரசியல் நிபுனர்கள் கூறுகின்றனர். முஸ்லிம்களுக்கு எதிராக இனவாத அரசியலை மேற்கொண்டு அதனூடே ஆட்சியைப் பிடிப்பதையே இலக்காகக்கொண்டுள்ளது இந்த பா.ஜ.க. இந்தக் கட்சியின் கீழ் இயங்கும் RSS இயக்கத்தின் ஊடாக அவர்கள் இந்தியாவில் முஸ்லிம்களுக்கு எதிராக என்னனற்ற கொடுமைகளை செய்துள்ளார்கள்.செய்தும் வருகிறார்கள். 1992 இல் குஜராத்தில் பெரும் கலவரம் ஒன்றை ஏற்படுத்தி அதில் ஆயிரக்கணக்கான முஸ்லிம்களை கொலை செய்து அதனூடாக ஆட்சிக்கு வந்தவர்தான் இப்போதைய பிரதமர் மோடி. இவர்கள் அந்த நாட்டில் எண்ணற்ற கொடுமைகளை முஸ்லிம்களுக்கு எதிராகச் செய்து வருகின்றனர்.அவ்வாறானவர்கள் இலங்கைக்குள் நுழைந்தால் முதல் ஆபத்து முஸ்லிம்களுக்குத்தான்.அடுத்துதான் ஏனைய மக்களுக்கு என்று தெரிவிக்கிறார்கள் அரசியல் நிபுணர்கள். இவர்கள் தமிழ்-முஸ்லிம் மக்களிடையே கலவரத்தை ஏற்படுத்தி அதனூடாக முஸ்லிம்களையும் அழித்து நாட்டின் ஸ்தீரத்தன்மையையும் அழித்துவிடுவார்கள் என்பதில் ஐயமில்லை. எனவே,இந்தியாவின் தேவையற்ற தலையீட்டை இலங்கை அரசு தடுக்க வேண்டும் என்று நிபுணர்கள் கூறுகின்றனர்.      

இலங்கை வரும் இம்ரான் கான்: ஜனாஸா நல்லடக்க உரிமையைப் பெற்றுத் தருவாரா?

Tue, 09 Feb 2021 06:52:45 +0530

கொரோனாவால் மரணிக்கும் உடல்களை நல்லடக்கம் செய்ய முடியும் என்ற நிபுணர்கள் குழுவின் அறிக்கையைப் புறந்தள்ளிவிட்டு முஸ்லிம்களின் உடல்களை எரிப்பது என்ற நிலைப்பாட்டில் இலங்கை அரசு தொடர்ந்தும் இருந்து வருவதால் மாற்றுத் தீர்வை தேடும் நிலைக்குத் தள்ளப்பட்டுள்ளனர் முஸ்லிம்கள். இந்த நிலையில்தான் பாகிஸ்தான் பிரதமர் இம்ரான்கான் இலங்கை வரவுள்ளார்.இந்தச் சந்தர்ப்பத்தை பயன்படுத்தி அவர் ஜனாஸா எரிப்பு விவகாரம் தொடர்பில் இலங்கை அரசுடன் பேசி நல்லடக்கத்துக்கான அனுமதியைப் பெற்றுத் தர வேண்டும் என்று முஸ்லிம்கள் விரும்புகின்றனர். இதற்கான கோரிக்கையை அவர்கள் இப்போதே விடுக்கத் தொடங்கியுள்ளனர். கொரோனாவால் மரணிக்கும் உடல்களை தாராளமாக அடக்கம் செய்ய முடியும் என்று சுகாதார அமைச்சால் நியமிக்கப்பட்ட நிபுணர்கள் குழுவே சிபாரிசு செய்துள்ள நிலையில்,அரசு அதையும் மறுத்து எரிப்பது என்ற நிலைப்பாட்டிலேயே தொடர்ந்தும் இருந்து வருகிறது. கடந்த ஜனாதிபதி மற்றும் நாடாளுமன்றத் தேர்தல்களில் இந்த அரசுக்கு முஸ்லிம்கள் வாக்களிக்கவில்லை என்ற ஒரே காரணத்தால் அவர்களை இந்த அரசு பழிவாங்குகிறது என்பது முஸ்லிம்களின் நிலைப்பாடாகும். இந்த உண்மை நிலையைப் புரிந்து நல்லடக்க உரிமையைப் பெற்றுத் தர இம்ரான்கான் நடவடிக்கை எடுக்க வேண்டும் என்று முஸ்லிம்கள் கோரிக்கை விடுக்கின்றனர்.அவர் இதுபற்றிப் பேசுவாரா என்று பொறுத்திருந்து பார்ப்போம்.   

ஈஸ்டர் தாக்குதல்:யாரும் தப்பவே முடியாது... அடிப்படைவாதத்துக்கு இனி இடமில்லை...  ஒரே நாடு ஒரே சட்டம்....  பௌத்த போதனைக்கு ஏற்பவே ஆட்சி...

Thu, 04 Feb 2021 09:18:34 +0530

உயிர்த்த ஞாயிறு தாக்குதல் சூத்திரதாரிகள் யாரும் இலகுவில் தப்பிக்க முடியாது என்றும் அவர்களுக்கு நிச்சயம் தண்டனை வழங்கப்படும் என்றும் ஜனாதிபதி கோட்டாபாய ராஜபக்ஸ தெரிவித்துள்ளார். கொழும்பு -07,சுதந்திர சதுக்கத்தில் இன்று இடம்பெற்ற இலங்கையின் 72 ஆவது சுதந்திர தின நிகழ்வில் கலந்துகொண்டு நாட்டு மக்களுக்கு உரையாற்றும்போதே இவ்வாறு கூறினார்.அவர் மேலும் கூறுகையில்: நாட்டின் பாதுகாப்பை உறுதிப்படுத்திக்கொண்டு நாட்டின் அபிவிருத்தியை மேற்கொள்ளும் சவால் இப்போதும் எம்முன்னே உள்ளது. எமது மரபுரிமைகள்,இறைமை போன்றவை பாரிய அச்சுறுத்தலுக்கு உள்ளாகி இருந்த சந்தர்ப்பத்தில் 69 லட்சம் மக்கள் எனக்கு வாக்களித்தது நாட்டுக்கு ஏற்பட்டுள்ள பாதுகாப்பு அச்சுறுத்தலை நீக்கி  நாட்டைப் பாதுகாக்கவே. நான் சிங்கள பௌத்த தலைவன்.பௌத்த போதனைக்கு ஏற்பவே நான் இந்த நாட்டை நிர்வகிக்கிறேன்.இருப்பினும்,ஏனைய மதங்களும் இனங்களும் சமமாக நடத்தப்படும். நாட்டை நேசித்து-நாட்டின்மீது தீவிர பற்று வைத்து நாட்டை நிர்வகிக்கும் தலைமைக்கு எதிராக உள்நாட்டு மற்றும் வெளிநாட்டு சக்திகள் காலாகாலமாக தேச விரோத சக்திகளுடன் ஒன்றிணைந்து செயற்பட்டே வருகின்றன. இவர்கள் மிகவும் நுணுக்கமான முறையில்பொய்ப் பிரசாரங்களை மேற்கொண்டு நாட்டு மக்களை பிழையாக வழிநடத்துவதற்கு நடவடிக்கை எடுக்கின்றனர். உண்மையைத் தேடிப்பார்த்து நடவடிக்கை எடுப்போமேயானால் எந்தவொரு சக்தியாலும் எமது மக்களை ஏமாற்றவோ பிழையாக வழிநடத்தவோ முடியாது. நாட்டின் இறைமையையும் ஆட்புல ஒருமையையும் பாதுகாப்பேன் என்று நான் இந்த மக்களுக்கு வாக்குறுதி வழங்கியுள்ளேன்.அந்த வாக்குறுதியை நான் தொடர்ந்து பாதுகாப்பேன். நாட்டின் பிரஜைகள் அனைவருக்கும் சம உரிமை உண்டு.சமயங்களை அடிப்படையாகக்கொண்டு மக்களை பிரிப்பதை நாம் வெறுக்கிறோம். எல்லா பிரஜைகளினதும் அடிப்படை உரிமைகள் மற்றும் மனித உரிமைகள் பாதுகாக்கப்படும் அதேவேளை,ஒரே நாடு ,ஒரே சட்டம் என்ற கொள்கையை நான் உறுதியாகப் பின்பற்றுகிறேன். ஈஸ்டர் தாக்குதல் மற்றும் மத்திய வங்கி கொள்ளை தொடர்பாக துரித நடவடிக்கை எடுக்குமாறு நான் சட்டமா அதிபர் திணைக்களத்துக்கு உத்தரவிட்டுள்ளேன். ஈஸ்டர் தாக்குதல் தொடர்பான ஜனாதிபதி ஆணைக்குழுவின் அறிக்கை என்னிடம் இப்போது கிடைத்துள்ளது.அதில் உள்ள சிபாரிசுகளை நடைமுறைப்படுத்துவதற்கு நான் நடவடிக்கை எடுத்துள்ளேன். ஈஸ்டர் தாக்குதலுடன் தொடர்புடைய அனைவருக்கும் எதிராக நடவடிக்கை எடுக்கப்படும்.இந்தத் தாக்குதலுக்கு அனுசரணை வழங்கிய மற்றும் தொடர்புபட்ட எவரும் சட்டத்தின் பிடியில் இருந்து தப்ப முடியாது.அதற்கு நாம் இடங்கொடுக்கமாட்டோம். அதேபோல் அடிப்படைவாதம் மீண்டும் இந்த நாட்டுக்குள் தலை தூக்குவதற்கு நாம் இடங்கொடுக்கமாட்டோம்.என்றார்.

ஈஸ்டர் தாக்குதல் அறிக்கை: மொத்தம் ஒரு லட்சம் பக்கங்கள்: அச்சு செலவு ஒரு கோடி ரூபா

Sat, 30 Jan 2021 09:20:02 +0530

உயிர்த்த ஞாயிறு தாக்குதல் தொடர்பாக விசாரணை செய்த ஜனாதிபதி ஆணைக்குழுவின் விசாரணை முடிவடைந்துள்ள நிலையில் அந்த விசாரணையின் இறுதி அறிக்கை ஒரு லட்சம் பக்கங்களைக் கொண்டதாக இருக்கும் என்றும் அதை அச்சிடுவதற்கு ஒரு கோடி ரூபா செலவாகும் என்றும் தெரிய வருகிறது. ஆணைக்குழுவின் விசாரணை இந்த மாதம் 27 ஆம் திகதி முடிவுக்கு வந்தது.சிஐடியின் முன்னாள் பணிப்பாளர் ஷானி அபயசேகர இறுதியாக சாட்சியம் வழங்கினார். இப்போது இறுதி அறிக்கை தயாராகி வருகிறது.அந்த அறிக்கை அச்சிடப்பட்டு ஜனாதிபதியிடம் ஒப்படைக்கப்படும்.  

ஜனாதிபதியின் கூற்றால்  ஹரீனின் உயிருக்கு அச்சுறுத்தல்: பாதுகாப்பைக் கோருகிறது எதிர்க்கட்சி 

Tue, 12 Jan 2021 08:47:39 +0530

ஜனாதிபதி கோட்டாபய ராஜபக்ஸவின் கூற்றால் நாடாளுமன்ற உறுப்பினர் ஹரீன் பெர்னாண்டோவின் உயிருக்கு அச்சுறுத்தல் ஏற்பட்டுள்ளது என்று தெரிவித்துள்ள பிரதான எதிரிக்கட்சியான சஜித் தரப்பு ஹரீனின் பாதுகாப்பை உடன் அதிகரிக்குமாறு பொலிஸிடம் கோரிக்கை விடுத்துள்ளது. ஹரினின் உயிருக்கு ஜனாதிபதியும் அவரது அரசுமே பொறுப்பு என்று எதிர்க்கட்சி தலைவர் சஜித் பிரேமதாசா தெரிவித்துள்ளார். தமது கட்சி ஹரீனின் பாதுகாப்புக்காக 24 மணி நேரமும் அர்ப்பணிப்புடன் செயற்படும் என்றும் அவருக்கு எமது எம்பிக்கள் அனைவரும் ஒன்றிணைந்து பூரண பாதுகாப்பை வழங்குவோம் என்றும் அவர் கூறினார். ஜனாதிபதியின் கூற்றைத் தொடர்ந்து ஹரீனின் உயிருக்கு பாரிய அச்சுறுத்தல் ஏற்பட்டுள்ளதால் அவரின் பாதுகாப்பை பொலிஸார் உடனடியாகப் பலப்படுத்த வேண்டும் என்று நாடாளுமன்ற உறுப்பினர் எரான் விக்ரமரத்ன கோரிக்கை விடுத்துள்ளார். ஹரீன் பெர்னாண்டோவும் பொலிஸ்மா அதிபரிடம் முறைப்பாடு ஒன்றைப் பதிவு செய்துள்ளார்.தனது பாதுகாப்பை உறுதிப்படுத்துமாறு அவர் அதில் கேட்டுள்ளார்.

பெண் ஹாதி நீதிபதிகள் நியமனம்: முஸ்லிம் திருமணச் சட்டத்தில் திருத்தம்

Sun, 10 Jan 2021 08:58:16 +0530

திருத்தப்படுகின்ற முஸ்லிம் திருமணச் சட்டத்தில் பெண் ஹாதி நீதிபதிகள் உள்ளடக்கப்படவுள்ளனர் என்று நீதி அமைச்சு தெரிவித்துள்ளது. இதற்கான பிரேரணை முன்வைக்கப்பட்டுள்ளது.சட்டத்தரணியாக அல்லது பல்கலைக்கழக பட்டதாரியாக இருப்பதே இதற்கான கல்வித் தகமை என்றும் வயதெல்லை 65 இற்கு கீழ் இருக்க வேண்டும் என்றும் பிரேரிக்கப்பட்டுள்ளது என நீதி அமைச்சின் மேலதிக செயலாளர்-சட்டப்பிரிவு பியுமந்தி பீரிஸ் தெரிவித்து ள்ளார். தற்போது நடைமுறையில் இருக்கின்ற முஸ்லிம் திருமணச் சட்டத்தின்படி பெண்ணை திருமணம் முடித்துக் கொடுப்பதற்கு மணப்பெண்ணின் தந்தையின் சம்மதம் தேவை என்றுள்ளது.அதற்கு மேலதிகமாக மணப்பெண்ணின் சம்மதமும் புதிய திருத்தத்தில் உள்ளடக்கப்படும் என்று அவர் மேலும் கூறியுள்ளார். திருமண வயதெல்லை 18 என்ற புதிய திருத்தத்துக்கு மேலதிகமாக மேற்படி திருத்தங்கள் மேற்கொள்ளப்படவுள்ளன.  நீதி அமைச்சின் இந்தத் திருத்தங்களுக்கு அமைச்சரவை அங்கீகாரம் கிடைத்ததும் அவை சட்டவரைஞர் திணைக்களத்துக்கு அனுப்பி வைக்கப்படும் என்று நீதி அமைச்சர் அலி சப்ரி கூறினார்.     

ஜனாஸா நல்லடக்கம்:ஆதரவாக களமிறங்கியுள்ள கிறிஸ்தவ அமைப்புக்கள் 

Tue, 05 Jan 2021 10:04:04 +0530

கொரோனாவால் உயிரிழக்கும் முஸ்லிம் மற்றும் கிறிஸ்தவ மக்களின் உடல்களை நல்லடக்கம் செய்வதற்கு ஆதரவாக இப்போது கிறிஸ்தவ அமைப்புகளும் களமிறங்கியுள்ளன. இந்த மக்களின் சமய கிரியைகளுக்கு மதிப்பளித்து உடல்களை நல்லடக்கம் செய்வதற்கு அனுமதி வழங்குமாறு கிறிஸ்தவ அமைப்புகள் ஜனாதிபதியிடம் வேண்டுகோள் விடுத்துள்ளன. தேசிய கிறிஸ்தவ கூட்டமைப்பு மற்றும் சமூக மற்றும் சமயத்துக்கான மத்திய நிலையம் ஆகிய அமைப்புகளே இந்த வேண்டுகோளை விடுத்துள்ளன. அங்கீகரிக்கப்பட்ட பதுகாப்பு நடைமுறையின் கீழ் உடல்களை அடக்குவதற்கு நடவடிக்கை எடுக்க வேண்டும் என்று தேசிய கிறிஸ்தவ கூட்டமைப்பின் செயலாளர் கொட்பிரேய் யோகராஜா தெரிவித்துள்ளார். இந்த விடயத்தில் நீண்ட காலமாக மௌனம் காத்து வந்த கிறிஸ்தவர்கள் இப்போது மௌனம் களைத்து தங்களின் நிலைப்பாட்டை அறிவித்துள்ளதால் ஜனாஸா எரிப்புக்கு எதிரான போராட்டம் மேலும் சூடு பிடிக்கும் என்று எதிர்பார்க்கப்படுகிறது. 

கடத்தல்காரர்களின் கையில் இறக்குமதி : ஆளுநர் இல்லத்தில் நடக்கும் டீல்: கண்டுகொள்ளாத அரசு

Sat, 26 Dec 2020 07:20:28 +0530

இலங்கையின் இறக்குமதி சில கடத்தல்காரர்களின் கைகளுக்குச் சென்றுள்ளன என்றும் கொழும்பில் அமைந்துள்ளள வேறு மாகாணம் ஒன்றின் ஆளுநர் ஒருவரின் வீட்டிலேயே இவர்கள் தினமும் சந்தித்து இதற்கான திட்டங்களை வகுக்கின்றனர் என்றும் தகவல்கள் வெளியாகியுள்ளன. சீனி,தேங்காய் எண்ணெய்,நிலக்கரி மற்றும் சீமெந்து போன்ற பொருட்களை இறக்குமதி செய்யும் அனுமதி இவர்களின் கைகளுக்குச் சென்றுள்ளன என்றும் இந்தக் குழுவில் ஊடாக நிறுவனம் ஒன்றின் சொந்தக்காரர் ஒருவரும் உள்ளார் என்றும்  தகவல்கள் வெளியாகியுள்ளன. அதுமாத்திரமன்றி,கொழும்பு துறைமுகத்தின் கிழக்கு இறங்குதுறையை வெளிநாடு ஒன்றுக்கு வழங்குவது தொடர்பான கலந்துரையாடலையும் இவர்களே மேற்கொண்டு வருகின்றனர் என்றும் தெரிய வருகிறது. எல்லாக் கலந்துரையாடல்களும் தினமும் இந்த ஆளுநர் இல்லத்திலேயே இடம்பெறுகிறதாம்.இதனால் அதிருப்தியடைந்துள்ள அரசில் உள்ள சிலர் இந்த விவகாரத்தை அரசின் கவனத்துக்குக் கொண்டு சென்றுள்ளதோடு,இந்த டீலிங்கை உடன் நிறுத்துவதற்கு நடவடிக்கை எடுக்குமாறு அரசுக்கு அழுத்தம் கொடுத்து வருகின்றனராம்.